أول تعليق من الشناوي على فيديو مشادته مع جمهور الأهلي

علق حارس مرمى النادي الأهلي، محمد الشناوي، على واقعة المشادة الكلامية مع بعض جماهير النادي بعد خسارة الفريق أمام باتشوكا المكسيكي بركلات الترجيح في كأس الإنتركونتيننتال “كأس التحدي” على استاد 974 بالدوحة.

وقال الشناوي في تصريحات هاتفية عبر برنامج الكرة مع فايق، الذي يقدمه الإعلامي إبراهيم فايق: “أنا بعتذر بالنيابة عن نفسي وعن زمايلي لكل جمهور الأهلي، وكلنا مقدرين زعل الجمهور”. 

أنا متخانقتش مع الجماهير

وأوضح: “أنا متخانقتش مع الجماهير ومستحيل ده يحصل مني، والجماهير على راسي ومقدرين زعل الجمهور وكنا في صدمة امبارح.. الفيديو مقتطع، والناس افتكرت إني بقول همشي من النادي، أنا قولت همشي جوه الأوضة”.

مش ممكن أهدد الجماهير

وأكد: “الجماهير ليها فضل كبير جدا عليا، ومش ممكن أهددها، إحنا بنلعب دايمًا عشان خاطرهم.”

البطولة كانت قريبة

وفي حديثه عن خسارة المباراة، قال الشناوي: "البطولة كانت قريبة منا، وضربات الجزاء ملهاش كبير، اللعيبة عملت اللي عليها طوال الـ 120 دقيقة، بس ربنا مكنش عايز ومكانش في توفيق." 

سأظل جزءًا من النادي

في نهاية حديثه، شدد الشناوي على التزامه بالاستمرار مع النادي الأهلي، مؤكدًا أنه سيظل جزءًا من النادي حتى آخر يوم في حياته، قائلا: "أنا ابن النادي وسأبقى هنا ما لم يكن هناك قرار من إدارة النادي بغير ذلك."

وخسر الأهلي من باتشوكا المكسيكي أمس في كأس التحدي، بركلات الترجيح بنتيجة 6-5، بعد التعادل الأصلي في الوقتين الأصلي والإضافي من المباراة.