السيسي: "اللي هيقرب من أمننا سنتصدى له كما ينبغي"

وجه الرئيس عبدالفتاح السيسي عدة رسائل للعشب المصري في فيديو بعنوان “الثالوث الأبدي، الأرض، الشعب، الجيش”. 

وقال الرئيس في الفيديو: "من فضلكم أرجو أن تنتبهوا لكل كلمة هقولهالكم دلوقتى، الهدف كله من اللي بيتعمل ده إسقاط الدولة المصرية وهم في استراتيجيتهم اللي شغالين بيها عارفين كويس أوي إن تماسك الدولة وتماسك المصريين لابد من كسره".

وتابع: "أنا بقول للمصريين إن التماسك اللي يبينكم ده بين الشعب المصري كله المسلمين والمسيحيين لازم يتكسر هو ده الهدف اللي بيتعملكم".

 إذا سقطت مصر سادت الفوضى في العالم كله

وأضاف: “الاستراتيجية اللي هما حاطينها بيقولوا إن مصر إذا سقطت سادت الفوضى في العالم كله”.

وواصل: “خلوا بالكم مهمتهم في سوريا خلصت هما دمروا سوريا خلاص، وعشان كده كل الجهود بتبذل لضرب الاقتصاد المصري والسلام الاجتماعي في مصر”.

وأكد أنه: "فيه جهد كبير بيتعمل لحماية شعبنا وحماية أرضنا، وبقول تاني وأرجو إن الرسالة دي تبقى واضحة للجميع نحن لن نتردد في حماية شعبنا من الشر ده".

الأمن القومي المصري

وشدد: “إحنا بنحافظ على شعبنا وبنحافظ على الأمن القومي المصري واللي هيقرب من أمننا إحنا هنتصدى ليه كما ينبغي”.

وأكمل: “مرة تانية بقول للمصريين أوعوا وانتبهوا وحافظوا علي تماسككم”.

واختتم: “أعاننا الله سبحانه وتعالي على اللي إحنا فيه ووفقنا وحمانا”.