لاعب المنصورة: مش عارف مصيري وحسبي الله فيمن أذاني

كشف أحمد عبد الواحد شاهين، لاعب الفريق الأول لكرة القدم بنادي المنصورة، آخر تطورات موقفه من العودة للتدريبات الجماعية لفريق المنصورة.

وقال شاهين عبر حساباته على مواقع التواصل الاجتماعي: “ أنا معنتش عارف أعمل إيه والله، أنا دلوقتي النادي عايزني بس المدرب مش عايز ينزلني التمرين، طب أنا دلوقتي حد يفهمني أنا هفضل قاعد في البيت ده يرضي مين؟”.

وأضاف: “غلطت ماشي لكن أنا رد فعل طب الفعل اللي هو أذاني فيه مين هيحاسبو غير ربنا مفيش”؟

وواصل لاعب المنصورة: “أنا دلوقتي راجل خاطب وداخل على جواز وديه دلوقتي مصدر رزقي أنا دلوقتي محتاج أعرف أنا مصيري ايه”.

وأكمل: “والله الواحد بجد تعب اللي بيحصل فيه ده والله حرام دمرتوني بقيت كاره كل حاجة في حياتي رد فعلي طبعًا غلطت، لكن محدش حاسبها إن الراجل ده نزلني وبعد خمس دقايق خرجني من غير أي سبب يعني كانت مقصودة، أن هو يدمر حياة شاب عنده 21 سنة حسبي الله ونعم الوكيل في أي حد أذاني”.

تفاصيل الأزمة الكاملة 

وكانت مباراة فريق المنصورة شهدت حادثة غير متوقعة عندما اعتدى اللاعب أحمد شاهين على المدير الفني للفريق، علاء نوح، بعد استبداله.

دخل اللاعب كبديل في الدقيقة 70، بينما كان فريقه متأخرًا بهدفين دون رد أمام المقاولون العرب. 

لكن علاء نوح قرر استبداله بعد 10 دقائق فقط، وتحديدًا في الدقيقة 73، مما أدى إلى رفض اللاعب الخروج واستمراره في الاعتراض لمدة تقارب دقيقتين.

عند مغادرته الملعب، كانت علامات الصدمة واضحة على وجهه بسبب قرار الاستبدال. 

وعندما حاول أحد أفراد الجهاز الفني تهدئته، دفعه أحمد عبد الواحد، ثم توجه نحو المدير الفني واندفع نحوه، مما أدى إلى اعتدائه عليه برأسه. 

تدخل أفراد الجهاز الفني لإخراج اللاعب من الملعب، ليظهر لاحقًا في مدرجات ملعب المقاولون العرب.

وانتهت المباراة بفوز المقاولون العرب على المنصورة بنتيجة (3-0) ضمن منافسات دوري المحترفين.