موقف لا تنساه نشوى مصطفى لزوجها الراحل.. ما علاقة "المسقعة"؟

غيب الموت صباح اليوم، زوج الفنانة نشوى مصطفى، حيث أعلنت عن وفاته وموعد جنازته عبر حسابها الشخصي على “فيسبوك”، مطالبة الجميع بحضور الجنازة والدعاء له بالرحمة والمغفرة بجانب الدعاء لها ولأولادها بالصبر.

وفاة زوج نشوى مصطفى

وكتبت نشوى مصطفى عبر “فيسبوك”: “اللي بيحب ربنا ييجى يصلى صلاة الجنازة على زوجى ونور عينى وحبيبى وسترى وأبو ولادي، تعالوا والنبي”.

موعد جنازة زوج نشوى مصطفى

وتابعت نشوى قائلة: “صلاة الجنازة في مسجد حسن الشربتلى صلاة الضهر، أبوس إيديكم عايزة ناس كتير تيجى والنبى - الله يراضيكم تعالوا كلكم — ادعوا له بالرحمة وادعوا لى أنا وولاده بالصبر والثبات.. مسجد حسن الشربتلى التجمع الخامس.. هتلاقوه على جوجل ماب”.

قصة زواج نشوى مصطفى

وكشفت الفنانة نشوى مصطفى عن قصة زواجها من الراحل عماد في لقاء سابق ببرنامج “كلام ستات” موضحة بأن زواجها تم بشكل غريب وأنه كان صالونات وليس زواجًا عن قصة حب وأن هي من تقدمت لخطبته.

وقالت مصطفى خلال استضافتها ببرنامج “كلام ستات”: “هو كان عايش في أمريكا ومامته وأخواته عايزين يجوزوه واحدة مصرية علشان تجيبه، وأنا كنت كبيرة إخواتي ورغم كده كانو هما اتخطبوا وأنا لسه، ووقتها كنت بدأت أمثل وعملت مسلسل ”ضمير أبلة حكمت"، وكمان كنت خلصت دراستي في كلية التجارة جامعة عين شمس وبجانبها درست التمثيل".

وتابعت: “طبعا قلق الأم بدأ يشتغل في إني أعنس لإن إخواتي الأصغر مني اتخطبوا وأنا لسه، وأنا وقت لما اتخطبت لعماد كان عندي 24 سنة، وأختي وأخت عماد كانوا زملاء مع بعض في الجامعة فهما قرروا يعملوا خطة بقى ويجمعوا بيني وبينه”.

وأضافت نشوى بأن خطة شقيقتها وشقيقة زوجها عماد كانت اختراعهما لعيد ميلاد نهلة شقيقة زوجها وطلبت من نشوى الحضور معاها للتباهي بها بكونها في مجال الفن لأن نهلة صديقتها تتباهي بشقيقها لكونه يقيم في أمريكا، فوافقت نشوى على الحضور معها.

واستكملت نشوى: “وقتها كان عندي تصوير واتصلت اعتذرت علشان أروح العيد ميلاد بس للأسف معرفتش وقولت لأختي مش هقدر أجي معاها واتفاجئت إن أختي بعدها قالت لي الناس أجلوا العيد ميلاد علشان خاطرك وبعدها اعترفت لي بقي إنهم كانوا عاملين خطة عيد الميلاد دي علشان عماد يشوفك”.

رد فعل جرىء من نشوى مصطفى

وبعدها قالت نشوى إن شقيقتها أصرت على حضور عيد ميلاد فوافقت مصطفى وذهبت بالفعل واستغربت من تأخير زوجها لحضور عيد الميلاد، إذ طلبت استعجالهم نظرًا لظروف عملها وتأخرها عن معاد التصوير قائلة: “لما زهقت من التأخير دخلت له الأوضة قلت له حضرتك أنا قاعدة برة بقالي كتير ومستنياك تيجي علشان أنا متأخرة فأنا اللي جايبنها علشان تتفرج عليها.. اتفضل بقي اتفرج”، ونزلت الصدمة على وجهه من رد فعلي الجريء.

وطلبت نشوى من زوجها بأن يعترض عليها وأنها ليست مناسبة له، وقالت: “قلت له كده وأنا متنرفزة منه وهو طلبت مني إني أهدى شوية، ووقتها هو اتأخر عليا بسبب ماتش الزمالك حتى يوم فرحنا اتأخر ساعتين بسبب ماتش الزمالك وقال لي لو الزمالك مكنش كسب مكنتش هاجي الفرح، بعدها قعدنا اتكلمنا وسألني إنتي ليه طيب رافضة وأنا قلت له إني مش حابة الطريقة دي وأنا جيت علشان أريح والدتي وهو كمان قالي إنه مش حابب الطريقة دي ومفكرتش إني اتجوز واحدة من مصر”.

صفات شريك حياتها

وصرحت نشوى مصطفى أنها بمجرد ما رأته أعجبت به لكونه طويلًا وأسمر اللون، لأنها كانت تحب تلك الصفات في الرجال وتريدها في شريك حياتها.

سبب كاد أن ينهي زواج نشوى مصطفى

وكشفت نشوى مصطفى أنها كانت على وشك الطلاق من زوجها “عماد” في الأسبوع الأول من زواجهما والسبب كان “طبق مسقعة”.

وقالت نشوى: "جوزي قال لي نفسي آكل مسقعة، وقلت له تحت أمرك فقلت بعد أن عاش 15 عامًا في أمريكا الأفضل أني أعمل له المسقعة على طريقة برامج التلفزيون، وليس على الطريقة التي تقوم بها والدتي، من تقطيع الباذنجان، والقلي، ونضع الصلصلة، وأحضرت قطعة باذنجان رومي كبيرة، ووضعتها بأكملها".

وقامت نشوى، بشرح تفاصيل عملها "المسقعة" باستخدام قطعة الباذنجان بأكملها، قبل أن تقول: "شكلها كان في الصينية شيك وحلو جدا، وفرحت جدا بتقديمها إلى زوجي، وبمجرد أن شاهدها، ظل صامتا لمدة 30 ثانية، ينظر لها وهو متجهم، وسألني إيه ده، وأجبت (المسقعة)، ودفعها بعيدًا وهو يقول لي (دي غير اللى كانت بتعملها أمي)، وتركني جالسة وفتح باب الشقة لينادي البواب وأعطاه الصينية، ودخل بعدها غرفته لينام".