إبراهيم سعيد: الشناوي بتاع"كلام" وأكرم يحمد ربنا إنه في الأهلي

هاجم نجم الأهلي ومنتخب مصر الأسبق، إبراهيم سعيد، لاعبي المارد الأحمر بعد الخسارة من فريق شباب بلوزداد الجزائري في دوري أبطال أفريقيا.

وفاز شباب بلوزداد الجزائري، على الأهلي بهدف نظيف، في المباراة التي جمعتهما أمس ضمن منافسات الجولة الرابعة من بطولة دوري أبطال أفريقيا.

إبراهيم سعيد: الشناوي عامل “خلل” داخل غرفة الملابس

وقال إبرهيم سعيد في تصريحات خاصة لـ “تليجراف مصر”: “محمد الشناوي مش أكبر من حد علشان ميقعدش على دكة البدلاء والقائد بالأفعال وليس بالكلام”

وأضاف "إصرار الشناوي علي اللعب أساسيًا عامل "خلل" داخل غرفة الملابس، وهذا أكبر خطر حاليا علي الفريق".

وتابع “محمد صلاح وعصام الحضري وحسام حسن  وهم نجوم كبار جدا قعدوا دكة يعني، الشناوي مش هيقعد !!”.

وواصل “المدير الفني مارسيل كولر نواياه خبيثة وقاصد يعمل مشاكل لإدارة النادي الأهلي، بدليل إن كهربا وتاو شاركوا إمبارح في الدقيقة 90 وكان عايز يورّط المسئولين في النادي مع الجمهور".

إبراهيم سعيد: الدبيس كان بيلعب مع شباب بلوزداد ضد الأهلي

وعن رحيل أكرم توفيق، قال "أكرم توفيق يحمد ربنا إنه بيلعب في الأهلي، يعني إيه عنده"روح".. هعمل إيه أنا بالروح دي".

وزاد “التقييم مش بالروح ده ميعرفش يخلص بطولة للأهلي، هو مش حسام غالي مثلا علشان يطلب الملايين دي كلها”.

وعن مشاركة اللاعب كريم الدبيس في مركز الجناح، قال “الدبيس كان بيلعب مع شباب بلوزداد ضد الأهلي، ياريت الأهلي يوافق علي أي عرض يجيله سواء من البرتغال ولا الكونغو مش فارقة”.

وعن أداء الصفقات الجديدة، قال "يوسف أيمن لاعب "أبيض" ومعرفش ازاي انتقل للأهلي وبيعمل إيه، أشرف داري ملفتش نظري ويتحمل جزء من هدف شباب بلوزداد في مرمى الشناوي".

وأكمل “كفاية كده علي كهربا وتاو والسولية ولازم يمشوا، وكهربا مُدمر نفسيًا والسولية مكمّل علشان المجاملات”.

وأتم “كريم الدبيس وخالد عبد الفتاح وعمر الساعي ويوسف أيمن بيعملوا إيه في الأهلي؟”.