"حاجة غريبة جدًا".. هشام عباس يستعد لبطولة فيلم عن نفسه

كشف الفنان هشام عباس أنه بصدد تقديم عمل سينمائي جديد بشخصيته الحقيقية، وسيكون الفيلم من بطولته، ومن المقرر طرحه خلال هذا العام.

وقال عباس خلال حلوله ضيفًا ببرنامج "القاهرة اليوم" مع الإعلامي إدوارد: "قاعد بكتب في فيلم أنا اللي عامله، من قصتي، وأنا اللي هعمل بطل إن شاء الله، هطلع في الفيلم هشام عباس، وهيبقى حاجه غريبة جدًا، هو مش قصة حياتي، هي قصة حصلت لي".

وتابع هشام عباس "الفكرة هي حاجه غريبة محصلتش قبل كدا، ومحدش فكر فيها، والحمد لله أنا أول حد فكر فيها، ولو انكتبت صح واتعملت حلو هتبقى حاجه حلوة خالص، وناوي السنة دي إن شاء الله، وهو فيلم مش عمل درامي".

هشام عباس

يذكر أن الفنان هشام عباس اعتذر عن مشاركته بحفل إحياء ذكرى الموسيقار الراحل أحمد الحجار في الآونة الأخيرة بسبب تعرضه لوعكة صحية.

وقال هاني نبيل، مدير أعمال الفنان هشام عباس، في تصريحات لـ"تليجراف مصر"، إن الفنان هشام عباس "تعرض لوعكة صحية في صوته تسببت في بحة شديد وكان مش قادر يطلع صوته فالدكتور منعه من الكلام خالص لمدة معينة حوالي أسبوع كدا، ودا بسبب شغل رأس السنة والحفلات اللي كانت قبل كدا فصوته كان للأسف تعب".