صفاء تريد خلعا: "اشتغلني عشان نفسه في حتة عيل قبل ما يموت"

في واقعة مثيرة، شهدت محكمة الأسرة بالقاهرة الجديدة دعوى خلع أقامتها سيدة في الثلاثينيات من عمرها ضد زوجها، بعد أن اكتشفت كذبه بشأن حالته الصحية لتبرير زواجه الثاني، بحجة أنه يرغب في إنجاب طفل يحمل اسمه قبل وفاته.  

تفاصيل دعوى الخلع

قالت صفاء أمام قاضي المحكمة "جوزي كان بيشرب سجاير بشكل كبير جدًا، وده سبّب له مشاكل صحية خطيرة، وفي يوم قالي إنه جاله ضعف في القلب، والدكاترة نصحوه يمنع التدخين".

وأوضحت الزوجة أنها كانت تقدم له الرعاية الكاملة منذ علمها منه بمرضه، على الرغم من معاناتها بسبب إهماله لها وانشغاله بنفسه "كنت فاكرة إن مرضه خلّى عنده وعي أكتر بالحياة والمسؤولية، لكن اتصدمت لما اكتشفت إنه استغل ده عشان يبرّر جوازه من واحدة تانية".

الخدعة الكبرى

  
وأوضحت الزوجة أنها لم تكن قادرة على الإنجاب، وأنها وزوجها كانا على علم بذلك بعد زواجهما بشهور، لكنها فوجئت به يخبرها بأن الطبيب أخبره أن حالته الصحية خطيرة، وأن أيامه معدودة؛ بسبب تدهور قلبه نتيجة التدخين المفرط "قالي لازم يتجوز عشان يخلّف طفل يشيل اسمه قبل ما يموتـ وأنا صدقته ووقفت جنبه رغم الألم اللي حسيت بيه". 

وأكدت صفاء أن حقيقة مرض زوجها ظهرت بعد فترة قصيرة عندما اكتشفت أنه لا يعاني من أي خطر صحيّ يهدد حياته "لقيت تقارير طبية في شنطته بتقول إن حالته مستقرة، وإنه مفيش أي خطر على حياته واستوعبت إنه كان بيكدب عليا عشان يبرّر جوازه التاني". 

قررت الزوجة رفع دعوى خلع أمام محكمة الأسرة بالقاهرة الجديدة، مؤكدة أن السبب الأساسي هو الكذب والخداع الذي دمّر الثقة بينهما قائلة "أنا مش ضد فكرة إنه يتجوّز عشان يخلّف، لكن الكذب والخيانة هما اللي خلوني أقرر أنهي حياتي معاه وأن كل يوم بينيّمني زعلانة وخايفة يروح مني، وكرامتي مش لعبة".