رضا حامد: صحتي كويسة وأجري ضعيف.. قاعد في البيت ليه؟ (خاص)

كشف الفنان الكوميدي الشهير رضا حامد سبب غيابه عن الساحة رغم من شهرته الواسعة بتقديمه لدور المتلعثم في أغلب أعماله الفنية، وإفيهاته التي لم تنس.

وقال رضا حامد، في تصريحات لـ "تيلجراف مصر": “الحقيقة أنا زي الناس مش عارف أنا قاعد ليه؟ أنا مش على بال الناس اللي بيشغلوا الناس هما حرين، وأكبر دليل إني قاعد مبشتغلش، مفيش حاجة اسمها اعتزل، الفنان لا يعتزل إلا عند المرض الشديد أو الموت”.

وتابع رضا حامد: "أنا مش عندي مشكلة صحية ومش عارف أنا قاعد في البيت ليه ولكن يمكن مش على بال الناس اللي بيشغلوا الفنانين".

وأضاف رضا: "بوجه رسالة للمسؤولين عن العملية الإنتاجية أنا مبشتغلش وقاعد ليه، والفنانين اللي بيفتحوا كافيهات ومطاعم دول بياخدوا ملايين الملايين بس أنا أجري ضعيف أوي ده لو خدت أصلا".

أجري ضعيف

وأردف: “لما بشتغل بيدوني أجر ضعيف وبضطر أقبل أعمل إيه؟ كلمت النقيب أشرف زكي مفيش فايدة، وتواصلت مع المخرجين ومفيش في الآخر نتيجة، ومرة شفت محمد رمضان وسلمت عليه وقال إزيك يا أستاذ إزي حضرتك وكل الناس بتكلمني باحترام وبعدين بيدوني ضهرهم، محدش منهم بيهني بس محدش بيساعدني”.

تاريخ حافل بأعمال رضا حامد 

وتابع الفنان: "أنا ليا تاريخ محترم، وتاريخي يخليني لا استجدي الشغل، وكل أعمالي وإفيهاتي شغاله لحد دلوقتي ولازم المخرجين والمنتجين يتذكروني ويعرفوني، ومش لازم أقعد أذاكر الناس بيا".

أحمد السبكي وحسن الرداد

وأضاف رضا حامد: "السنة اللي فاتت اشتغلت مع أحمد السبكي ووعدني إن السنة الجاية تكون معايا وبيعمل ما شاء الله شغل كتير بس مفيش رضا حامد، وحسن الرداد كنت معاه وبعدين كلمته السنة دي ومفيش جديد، الله أعلم إيه اللي بيحصل، وأنا مؤمن إن رزقي عند ربنا، واسمي رضا حامد فراضي وحامد ربنا".

من هو الفنان رضا حامد؟

الفنان رضا حامد فنان مصري شهير ولد في 29 أغسطس،  قدم العديد من الأعمال الفنية المهمة آخرها مسلسل "محارب".

مسلسل “محارب” يضم عددا من المواهب الفنية أبرزهم، حسن الرداد، وماجد المصري، ناهد السباعي، وأحمد زاهر، ونرمين الفقي، منة فضالي، تامر عبد المنعم، وسلوى عثمان، ومحمود البزاوي، وعابد عناني، ونور محمود، وأحمد عنان، وكريم العمرى، وسماء إبراهيم، وعفاف شعيب، وغفران محمد، ومحمود الليثي، محمود عمرو محمود ياسين، وملك أحمد زاهر، وحسن عيد، والعمل من تأليف محمد سيد بشير ومن إخراج شيرين عادل ومن إنتاج أحمد السبكي.