محمد الشرنوبي يكشف حقيقة ارتباطه بموديل كليبه الأخير "مش كتير"

كشف الفنان محمد الشرنوبي حقيقة ارتباطه بـ أية عبدالرازق موديل كليبه الأخير “مش كتير”، موضحًا تفاصيل اختيار صناع الكليب لها.

اختيار أية عبدالرازق للكليب

وقال محمد الشرنوبي في تصريحات لبرنامج “عرب وود”: “فكرة الكليب دي كانت فكرتنا كلنا كصناع العمل، واستقرينا على أية كموديل للكليب وكلمناها وهي اتبسطت واتحمست وجت صورت الكليب”.

كلام مش منطقي

أما عن حقيقة وجود ارتباط بينه وبين “أية” قال: “لا خالص مفيش ارتباط، مش عارف ليه بيتقال كده.. هو لازم علشان أبقى متصور مع حد أبقى خاطبه أو متجوزه؟، مش منطقي يعني”.

تفاصيل "مش كتير"

تعاون محمد الشرنوبي في أغنيته "مش كتير"، مع الشاعر مصطفى ناصر، فيما وضع الشرنوبي اللحن والتوزيع، والأغنية من إخراج عمرو المهدي، وإنتاج محمد جابر.

كلمات أغنية مش كتير لـ محمد الشرنوبي

مش كتير
اللي أنت شايفه مش كتير
عمري كله يهون وأشوف قلبك بخير
تبقى أول حد عندي
وتبقى برضه أنت الأخير
مش كتير
من زمان
قبل أما أقابلك من زمان
وأنت جوه في قلبي متشالك مكان
مش ضروري أحكي اللي شايله في قلبي
ما اللي في قلبي بان
من زمان

الشرنوبي يروج لـ مش كتير

من ناحية أخرى، روّج الشرنوبي لأغنية “مش كتير”، قبل أيام من طرحها، من خلال نشر برومو الأغنية عبر حسابه على منصة "إنستجرام"، معلقًا: ”تقدروا تسمعوا الأغنية دلوقت على كل المنصات".

أحدث أغاني محمد الشرنوبي

ويشار إلى أن الفنان محمد الشرنوبي، طرح مؤخرًا مجموعة من الأغاني منها "كان نفسي، ما كفاية، على بابك جيت، إنتى الحياة، استغنينا، ملكة زمانك"، بالاضافة إلى أغنية "حفلة 9"، والتي شاركته في غنائها الفنانة أسماء جلال، وتم الترويج لها بمقاطع فيديو في إحدى حفلات مهرجان الجونة السينمائي 2024.