بعد أزمة متولي وفتحي.. تفاصيل تجسيد شكري سرحان في عمل درامي

كشف محسن سرحان، المتحدث باسم أسرة الفنان الراحل شكري سرحان، عن استعدادهم لعمل مسلسل درامي يجسد شخصية الفنان الراحل، مشيرًا إلى أن الأمر ازداد اهتماما بعد أزمة الإساءة له من قبل الفنانين مصطفى متولي وأحمد فتحي.

قصة نجل شكري سرحان

وقال محسن سرحان، لـ “تليجراف مصر”، عن تجسيد شخصية شكري سرحان في عمل درامي: “ده بالفعل فكرنا فيه وكنا بنعمله بقالنا فترة كبيرة وهي القصة تبقى قصة يحيى شكري سرحان".

وأضاف سرحان: “وده لأن يحيى عامل كتاب عن أبوه وعن مذكراته وهو ده اللي هيتحول لمسلسل إن شاء الله، وإحنا كنا وقفنا فترة لسبب ظروف بس طبعا بعد اللي حصل ده هنكمل وهنعمله”. 

رد فعل

وأضح سرحان أنه لم يعتبر الذي حدث أزمة ولكن اعتبره رد فعل قائلًا: “إحنا مش بنعتبر اللي حصل ده أزمة، إحنا كنا رد فعل مش فعل.. لا سعينا لمواقع ولا لقنوات، إحنا مجرد نزلنا البيان ردًا على اللي اتقال بس”.

مش شهرة ولا ترند

وتابع سرحان في حديثه مع “تليجراف مصر”: “شكري سرحان مش محتاج ترند هو اسمه لوحده كفاية ولما عملنا البيان باسم شكري سرحان الدنيا كلها وقفت معايا يعني إحنا لا بنسعى لشهرة ولا أي حاجة، هو لو على الشهرة فهو أخدها من زمان، وحتى لو طلع حد فنان في العيلة باسم سرحان مش هيقدر يحقق اللي وصله شكري سرحان، إحنا اضطرنا نلجأ للنقابة علشان نوقف المهزلة دي”.

بداية الأزمة

بدأت الأزمة بتصريحات أطلقها الفنان عمر متولي في لقاء مع الفنان أحمد فتحي، حملت بعض الهجوم ضد الفنان الراحل، عبر برنامجه الذي يبثه بموقع “يوتيوب”، ما دعا المتحدث باسم الأسرة - كما يصف نفسه - لإصدار بيان يرد فيه على هجوم عمر متولي ضد الفنان الراحل، والتأكيد على اتباع الطرق القانونية لحفظ حقوق الأخير.