سيدة في دعوى خلع:"بيجيب بنت البواب الشقة بغيابي"

أقامت سيدة تدعي "مروة" دعوى خلع ضد زوجها أمام محكمة الأسرة بالتجمع الخامس، مطالبة فيها بالتفريق بينها وبين زوجها لاستحالة المعيشة؛ لقيامه بخيانتها أكثر من مرة، ولكن تلك المرة صممت على الانفصال.

سيدة تقييم دعوى خلع 

قالت "مروة" البالغة من العمر 31 سنة، في الدعوي التي تحمل رقم 1768 لسنة 2023، إن زوجي أخلاقه  يحبني منذ أن كنا ندرس بالجامعة، وهذا ما كان يظهر ببداية العلاقة وحتي الخطوبة وعقد القران.

ولكن بعد عقد القران وخلال التجهيز لعش الزوجية اكتشفت أنني لا أعرفه تماما وظهرت عصبيته وعجرفته على أبسط الأشياء ولكن كنت أظن هذا من ضغط الترتيب لعش الزوجية.

وتابعت:"أنا كنت فاكرة عصبيته الزايدة دي بسبب أننا بنفرش شقتنا ..ولكن الكارثة أني تلقيت مكالمة من ست متجوزة وبلغتني اني مكمل معاه وانفصل عنه .. ولكن أنا رفضت وتمسكت بيه وقولت اكيد دا وحدة عوزانا نسيب بعض ومهتمتش".

وتابعت "مع الوقت بدأ يقولي لا ممسكش الفون وشوية شوية خد الموبايل مني أصلا وقطع اتصالاتي بأهلى وقالهم لو عايزينها كلموها على موبايلي.. كل دا م فاهمة ليه.. طلبت من أهلي يتدخلوا وبالفعل تم الصلح بينا".

واضافت:"كل شوية يحصل خلافات وتوصل اننا هنتطلق ودا بسبب مش بيحترمني ولا بيحترم وجودي وبيعاكس البنات والستات وأنا ماشية جنمبه.. وأخر مرة طلعت البيت لقيت بنت البواب اللى هي قد عياله عندنا في الشقة .. بحجة أنها هتاخد السجاجيد بتاعتنا تغسلها".

واختتمت الزوجة في دعواها:"الموضوع بالنسبالي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".