زوجة إحسان تستغيث: مصاب بـ"غرغرينة" والنقابة لم تساعدنا (خاص)

كشفت زوجة الفنان إحسان الترك تعرضه لوعكة صحية نقل على إثرها إلى أحد المستشفيات لإجراء عملية في قدمه.

وقالت زوجة الفنان إحسان الترك لـ"تليجراف مصر" “حالته صعبة أوي وأنا نفسيتي تعبت، رجله فيها غرغرينة، ولسه هنعمل عملية أوعية وشرايين بقدمه وبنحاول نخلص له ورقة، وعايزين نعمله العملية لإن رجله اسودت والغرغرينة مشيت في صوابع رجله”.

وأشارت زوجة إحسان الترك إلى أنها تحاول منذ ثلاثة أسابيع التواصل مع نقابة المهن التمثيلية لكن دون جدوى، مضيفة "النقابة معملتش لينا حاجة، وكلمناها من 3 أسابيع، وبعتنا لها صور للإشاعات وصور رجله ويقولوا  هنشوف، ومفيش جديد".

ما هو مرض إحسان الترك؟

وقالت زوجة الفنان إحسان الترك، إن إحسان من المقرر أن يجري عملية أوعية وشرايين بقدمه، آملة تعافيه في الفترة المقبلة.

هل باع إحسان الترك أثاث منزله؟

وتحدثت الزوجة عن حقيقة بيع أثاث منزل الفنان إحسان الترك قائلة: “كان في شخص عابر السبب بشائعة بيع  عفش المنزل، ساعة ما كنا جايين من المستشفى طلبت منه إنه يسند معايا الفنان علشان نطلعه فوق واتفاجئنا بعدها إن في أخبار على إننا عايشين في منطقة شعبية بقى، وشقة فاضية مفيش فيها عفش، ولما شوفنا عنواين الأخبار نفسيتنا تعبت، والكلام دا عِيبة حقيقي في حق أولاده، الناس قالت مش لاقي يأكل ومش لاقي رغيف العيش ومش لاقي حق الدواء، وده كله مش صح أكيد، ابنه بيساعده كل شهر، والحمد لله هو كان طالب شغل وده مش حاجة وحشة، ومش بيشحت من حد”.