بن شرقي يكشف طقوسه برمضان.. وسر عدم احتفاله أمام الزمالك

تحدث لاعب الأهلي، أشرف بن شرقي عن رأيه في طقوس شهر رمضان بمصر، والعديد من الأشياء بعد انتقاله للمارد الأحمر.

بن شرقي يتحدث عن أجواء شهر رمضان 

وقال الدولي المغربي عبر بودكاست “القلعة الحمراء”: "بصراحة، شهر رمضان في مصر جميل جدًا.. لكن مفيش فرق بين مصر والدول العربية زي الإمارات وقطر والسعودية، لكن كل بلد ليها طقوس خاصة".

وأضاف: "أنا بحب أقعد لوحدي وأكون مركز في يومي، لإن في ثانية ممكن حد من صحابي يطلب مني نروح مكان معين، وأنا عندي برنامج اليوم كله وماينفعش أقول لأ عشان ما أكسرش مجاملات، لكن أنا بحب أكون مركز في شغلي، مش أكتر كلاعب كرة قدم".

وعلق سيد عبد الحفيظ مقدم “البودكاست” قائلًا: “أنت معروف بهدوئك وإنك مش شخص بيحب المشاكل، وده ظهر في مباراة الزمالك لما سجلت هدف وما احتفلتش”.

ورد بن شرقي: "دايمًا قبل ما أعمل حاجة بفكر فيها كويس وبشكل هادي، حب الناس يمكن تعرف تشتريه بسهولة. أسهل حاجة أنك تخاصم حد، لكن أصعب حاجة أن تكسب الناس وحبها. لما محمود تريزيجيه انتقل للريان القطري قلت له: 'أنا موجود هنا، أي حاجة تحتاجها إحنا إخوات'".

سر عدم احتفال بن شرقي أمام الزمالك

وتابع: "أنا عشت مع المصريين وأخيرهم يعني كانوا في صفّي، وأنا وانت هنبقى واحد. أي حاجة تحصل بينا، أنا وانت دايمًا مع بعض، من اليوم ده بقى علاقتنا تطورت بسرعة جدًا، كأني أعرفك من زمان".

تحدث بن شرقي عن المباريات القوية التي يحب أن يلعبها بعد انتقاله إلى الأندية المختلفة، قائلاً: "أنا دايمًا لازم ألعب المباريات الكبيرة، مع الهلال السعودي كان عندي أول مباراة ضد النصر وسجلت هدفا، ومع الريان لعبت ضد العربي في الديربي وعملت أسيست. وهنا مع الأهلي ضد الزمالك، أول ما دخلت سجلت هدف، أنا دايمًا بحب أدخل في الأجواء بسرعة".

وأوضح بن شرقي سبب عدم احتفاله بعد تسجيله هدفًا في مرمى الزمالك قائلاً: "كنت حابب أجيب هدف في مرمى الزمالك، لأنني الآن بنتمي للنادي الأهلي، لكن الاحتفال اللي ما عملتوش بيرجع للناس اللي كنت بقابلها بره، وكلهم بيشكروني ويقولوا لي إنهم بيحبوني حتى لو روحت الأهلي. ده حب الناس، زي ما قلتلك، ماينفعش تخسره وفي نفس الوقت لازم أركز في شغلي".