هجوم وسخرية.. تفاصيل حلقة عصام الحضري في "العرافة"

فتح حارس مرمى الأهلي السابق عصام الحضري النار على النادي الأهلي بتصريحات ساخنة عبر برنامج" العرافة" على قناة النهار.

وأكد الحضري، خلال حلوله ضيفًا مع الإعلامية بسمة وهبة في برنامج “العرافة” أنه لن يعمل في القلعة الحمراء، قائلًا: "هما مش عايزني، وأنا مش عايزهم".

الحضري عن النادي الأهلي: اللي مش عايزنى أنا مش عايزه

وقال الحضري: "محاولتش أرجع نادي الأهلي، أنا راجل عضو في نادي الأهلي وكارنيهاتي بتطلع وأدخل النادي في أي وقت"، مضيفًا: "فيه ناس ولاد النادي واتربوا في النادي ومرجعوش الأهلي، ولو أنا أحسن مدرب في العالم مش هشتغل في الأهلي".

واستكمل: "هما واخدين قرار يحترم أنا مسعتش عشان ألعب في الأهلي، وقرار واخدينه ومتقدريش تغيريه، واللي مش عايزنى أنا مش عايزه، وأنا مش عايزهم".

أزمات الحضري مع النادي الأهلي

وحول أزمته مع الأهلي حينما كان لاعبًا في صفوف الفريق، قال الحضري: "جابولي نادر السيد عشان يقعدني، واتعاملت معاملة أسوأ لما رجعت المرة الثانية في النادي الأهلي، ولما لقيتهم وقفوني ومش عايزني مشيت وقت حسام البدري، وفي الآخر بيتكلموا عن ولائي".

الحضري يسخر من حسام حسن

وسخر عصام الحضري عندما سُئل هل حسام حسن هو عميد كرة القدم المصرية؟ حيث قال: "العميد بتاع الكرة المصرية هو واحد بس اسمه أحمد حسن، بعد كدا مفيش عميد ولا لواء".

وأضاف: "مفيش حد هيقدر يكسر أرقامي وأنا واثق من نفسي، وأنا أسطورة والهرم الرابع في مصر".

إنجازات عصام الحضري

ويُعد عصام الحضري أحد أعظم حراس المرمى في تاريخ إفريقيا والعالم، حيث يمتلك سجلًا حافلًا بالإنجازات، أبرزها:

• التتويج بـ 4 ألقاب لكأس الأمم الأفريقية مع منتخب مصر (1998، 2006، 2008، 2010).
• تحقيق لقب أفضل حارس مرمى في إفريقيا عدة مرات.
• دخول التاريخ كأكبر لاعب يشارك في كأس العالم، بعدما مثل مصر في مونديال 2018 عن عمر 45 عامًا.
• مسيرة حافلة بالألقاب مع النادي الأهلي والعديد من الأندية المصرية والعالمية، توّج خلالها ببطولات محلية وقارية.