حسام حبيب لـ"العرافة": "أنا فاض بيا الكيل.. ولو قولت الحقيقة هنتحر"

قال الفنان حسام حبيب إنه لم يكن يتوقع أن تصل الأمور بينه وبين شيرين إلى هذا الحد من التصعيد، مؤكدًا أنه لم يكن يسعى لتهديدها أو تخويفها، لكنه كان يعتقد أنها ستظهر في وقت ما وتعترف بالحقيقة، إلا أن ذلك لم يحدث. 

وأضاف حسام حبيب، 

وأضاف حبيب، خلال حواره مع الإعلامية بسمة وهبة في برنامج "العرافة" المذاع عبر قناتي "النهار" و"المحور": "أنا مش بهددها ولا بخوفها، كنت متوقع إنها في يوم من الأيام هتقول الحقيقة، لكن للأسف ده محصلش.. سابتني للتهديد والتهزيق، ولسه بيتكلموا في عرضي وعرض أهلي، وأنا مش مسموح لأي حد يعمل كده".

حسام حبيب: “أنا فاض بيا الكيل وهطلع أقول كل حاجة بالإثباتات”

وأضاف حسام: "أنا فاض بيا الكيل، وهطلع أقول كل حاجة بالإثباتات والفيديوها والمسجات والصور، عشان أنا بني آدم محترم سأترك لها فرصة الأخيرة.. وأقسم بالله لو ما اعترفت باللي حصل للآخر هحكي كل شيء وكل حاجة لأني مش هستحمل إني أتكلم أنا شخص لما بيقول الحقيقة بيندم وممكن انتحر لو اتكلمت".

حسام حبيب: أنا كنت جزءا من نجاحها وعودتها للساحة بقوة

وأشار حسام إلى أنه ساهم بشكل كبير في استعادة مكانتها الفنية، وساعدها على تحقيق العديد من النجاحات بعد زواجهما، قائلًا: "الفضل لله أولًا وأخيرًا، لكن أنا كنت جزءا من نجاحها وعودتها للساحة بقوة، حفلاتها زادت، وأجرها زاد، وده مش كلامي، دي أرقام وإثباتات، وأنا مش بندم على اللي عملته، بس اللي بيحصل ده مش عدل".

وأوضح حسام أن أكثر ما أزعجه هو حديث الناس عن  عائلته في الخلافات بينه وبين شيرين، قائلًا: "مع احترامي لكل حد، أنا متربي كويس، وعيلتي ناس محترمين، وأنا مش مستحمل إن حد يتكلم عنهم بالسوء، شيرين أحدثت وقيعة بيني وبين أهلي، وأنا كنت شايف إن اللي حصل مش صح".