"حاسه بالعجز".. مروة صبري تكشف تعرضها لأزمة نفسية حادة

كشفت الإعلامية مروة صبري، تعرضها لأزمة نفسية حادة منذ أول أيام عيد الفطر المبارك.

وقالت مروة صبري عبر حسابها الرسمي على موقع "فيسبوك": "مبحبش أكتب حاجة على السوشيال ميديا وتحديدًا عن حياتي الشخصية، بس أنا من يوم الوقفة لحد دلوقتى بمر بأوحش وأسود أيام حياتي ومش مهم الأسباب بس كلها أحاسيس خوف ورعب وعياط وكآبة وضربات قلب سريعة من التوتر والارتباك والعجز لسه الأحاسيس دي مكملة وأكتر من كدة بكتير لدرجة إن الكتابة اللى بكتبها دلوقتي مش هتعبر عن 1 % من اللى جوايا".

وأضافت مروة صبري "فجأة دلوقتي حسيت إني عايزة أكتب جزء بسيط من إحساسي وكل شوية هكتب حاجة لحد ما أخرج اللي جوايا حاجة حاجة بس في النهاية ربنا كبير وكريم وحنين أوي ورحمته واسعة وبيطبطب عليا بدرجة كبيرة، ربنا يخليكي ليا يا أمي ويبارك فيكي عشان أنا بحبك أوي ومن غيرك مش هشوف ولا أي حاجة حلوة في الدنيا".

من هي الإعلامية مروة صبري؟

مروة صبري اعلامية مصرية شهيرة، تقدم برنامجها تحت عنوان "قعدة ستات"، وكانت آخر تصريحاتها ببرنامجها عن حقيقة عودة الفنانة ياسمين صبري ورجل الأعمال أحمد أبو هشيمة، وقالت: "ياسمين صبري وأحمد أبو هشيمة هيرجعوا لبعض، وفي محاولة للرجوع، وإن شاء الله هيرجعوا لبعض في خلال شهر أو شهرين بالكتير، وافتكروا كلامي، ودي هتكون من الحاجات الجميلة جدًا".

وتابعت: "هما هيبدأوا الموضوع حاجة حاجة، وأهم حاجة السوشيال ميديا تبعد عنهم عشان عينكم متجبهمش الأرض تاني، سيبوا الاتنين في حالهم حلوين وناجحين مع بعض، وهما من العلاقات اللذيذة جدًا لأنهم لما أطلقوا محدش طلع أتكلم على التاني وحش".