محمد صبحي: "أقسم بالله مستعد أرجع أشتغل في التلفزيون بـ40 جنيه"

أعرب الفنان محمد صبحي، عن دعمه الكامل للتلفزيون المصري ولرئيس الهيئة الوطنية للإعلام الكاتب أحمد المسلماني، مؤكدا أنه طوال الأعوام الماضية كان ينتج أعماله بنفسه.

وقال محمد صبحي خلال مؤتمر مستقبل الدراما في مصر الذي عقد اليوم تحت رعاية الهيئة الوطنية للإعلام: "أنا كرامتي في السما علشان بشتغل بفلوسي ومش بحتاج لحد يلوي دراعي أنا بشتغل مسرح بفلوسي ولما هعمل مسلسل هعمله بفلوسي علشان محدش يلوي دراعي، وهكون مع التلفزيون المصري لو رجعتني اشتغل بـ40 جنيه أقسم بالله لأعملها".

رسالة للكاتب أحمد المسلماني

ووجه صبحي، رسالة لرئيس الهيئة الوطنية للإعلام أحمد المسلماني، قائلا: “أرجوا التلفزيون المصري يضع خريطة حقيقية كما وُضعت في بداية الستينيات ومشينا عليها 30 سنة، للرسائل اللي عايزين نوصلها من خلال الدراما”.

الإعلانات والأكلات

وأبدى صبحي، استيائه من محتوى الإعلانات، قائلا: “الإعلانات بتقدم أكلات أنا معرفهاش ولا غيري يعرفها، إعلانات بتقدم الأكل بشكل مرعب، أنا اشتغلت في العشوائيات 11 سنة، في ست قالت لي إحنا منعرفش شكل الأكل دا بتقدمه لينا ليه؟”، مضيفا: “لما تكون كل مسلسلات مصر عن المنتجعات والكمبوندات وبكل أشكالها، وفي إعلانات تقولك انتهز الفرصة، فيلا رخيصة جدا بـ100 مليون وادفع 5 مليون، ديه بتعمل فتنة”. 

وتابع: “دلوقتي بشوف الإعلان معرفش هو بيتكلم عن إيه، غير بعد ما يخلص وأسأل، والإعلان بقى مدته 3 دقائق، أما زمان كان 20 ثانية أو نص دقيقة أو دقيقة”.