"إنجاز عمره 500 عام".. السيسي يوجه الأئمة بالاقتداء بالإمام السيوطي

شدد الرئيس عبد الفتاح السيسي، على ضرورة الاقتداء بكبار الأئمة، على رأسهم الإمام السيوطي الذي يعد نموذجًا يحتذى به، لما قدمه من مساهمة استثنائية حيث ألف 1164 كتابًا.

حفل تخرج الأئمة

وأضاف الرئيس السيسي، خلال كلمته بحفل تخرج الأئمة، بالدورة التدريبية الثانية لوزارة الأوقاف بالأكاديمية العسكرية، إن الإمام جلال الدين السيوطي، ألف خلال عمره (62 عامًا) 1164 مؤلفًا منذ حوالي 500 عام، دون استخدام مطابع مثل المطابع الحالية، أو الأدوات الحديثة، متساءلًا: "إزاي في 62 سنة عمل دا كله؟".

الإمام السيوطي

وتابع الرئيس: "مش بتكلم في العدد اللي عمله كرقم، بتكلم ازاي ربنا سبحانه وتعالى بإخلاصه وأمانته وفقه يعمل دا ويحققه ويستمر معانا ونتكلم عنه بعد 500 سنة".

واستكمل: "هو عاش عمره كله 62 سنة مش 90 ولا 100، عمل 1164 مؤلف في كل المناحي اللي اتكلم عنها، البيئة وحاجات كتير جدا".

وتابع الرئيس عبد الفتاح السيسي: " يمكن يكون الجديد موجود دلوقتي، مش خلال كل 100 سنة يبقى في عالم يعمل كده، لأن حجم العلوم والمعرفة الإنسانية زادت بشكل كبير جدا، يمكن هيبقى مؤسسة هي اللي هتقوم بالدور دا في يوم من الأيام وعملية تجديد، وعمل على رأس كل 100 سنة، هذا العمل كان بيعمله عالم واحد قبل كده".