عافر 5 سنوات ومات قبل رؤية بناته.. حكاية أحمد تهامي والد الأيتام

“أمانتك وصلت بالسلامة يا أحمد”، بكلمات بسيطة تحمل في طياتها رحلة عصيبة لزوجين مع الإنجاب المتأخر والإجهاض المتكرر لمدة 5 سنوات، رواها استشاري النساء والتوليد وتأخر الإنجاب الدكتور محمد الجزار.

وفاة شاب قبل إنجاب زوجته

أراد المولى عز وجل أن يختبر صبر أحمد تهامي المقيم في بنها، هذا الرجل الخلوق، الذي قصد وزوجته الدكتور الجزار، منذ حوالي سنتين، بعدما سارا طريقا طويلا من الصبر على الابتلاء والرضا بقضاء الله، إلى أن أراد المولى لهما بالحمل.

كتب الجزار على صفحته الشخصية بموقع التواصل الاجتماعي “فيسبوك”: “تابعنا مع بعض الحمل.. وصلنا للشهر الخامس.. كنت متعود منهم إنهم بيجولي العيادة يوم الأربعاء.. روحت العيادة اليوم ده.. اسمها موجود في الحجز.. رقمها فات ومجوش".

معاناة القدر ضد رغبة تهامي

وشاء القدر أن يتغمده المولى في واسع رحمته، ويتوفى أحمد تهامي، الذي قُدر لابنتيه أن تولدا يتيمتين بعد حلم والدهما الذي طل انتظاره.

وتابع: “شابة في العشرينات.. بتحلم هي وجوزها بقالهم سنين كتير باللحظة دي اللي ربنا يكرمهم بحمل.. بيرتبوا كل حاجة وفجأة كده ودون مقدمات.. أحمد مبقاش موجود.. كمية حزن عند كل اللي أعرفهم.. كلهم بيحكوا عن رجولته وطيبته.. من علامات حسن الخاتمة.. اللي يعرفك و اللي ميعرفكش يترحم عليك.. محدش قال في حقك كلمة.. كله بيحكي عن رجولتك”.

بحسب رواية الطبيب، أن زوجة المتوفى زاد عليها التعب فجأة ومن الضروري الحضور للاطمئنان على صحتها، لتكون تلك المرة من أصعب المرات التي عاشها الطبيب المختص منذ بداية عمله، معلقًا: “أنا عشت معاهم اللحظات اللي شفت فيها فرحتهم بالحمل ده بعد انتظار كتير أوي”.

وواصل: “دخلوا عليا مفيش كلام بيتقال.. ربنا أراد أني أكون في الوقت ده معاهم.. مشفتش منهم غير كل صبر واحتساب برغم إن المصاب كبير أوي و جلل.. مرينا بفترات تعب كبيرة وكتيرة.. بس ربنا بس اللي كان بيطبطب عليها”.

أصعب حالة ولادة في عيادة النجار

وبالتزامن مع المعاناة التي عاشتها زوجة المرحوم، أصيب الطيبب بحالة من الخوف والقلق على الأم، بسبب الحالة النفسية التي ستعيش فيها بعد إنجاب أطفالها الأيتام.

وواصل: “جه وقت الولادة وكان معايا أخويا الغالي الدكتور باسم سعد استشارى التخدير.. حكيتله الموقف.. مش هتبقي ولادة عادية.. هنجهز مهدئات كتير.. دخلنا العمليات.. ناس كتير جدًا بره مستنيين.. ضغط عصبي رهيب.. توكلنا على الله.. وأقسم بالله نامت في هدوء وفاقت من البنج بهدوء مبنشوفهوش كتير”.

واختتم: “ربنا وفقنا وخرجت بالسلامة و البنتين القمر دول شرفوا للدنيا.. متيقن إن ربنا اللي بيطبطب عليهم.. الناس دي جميلة أوي”.