طبيبة كفر الدوار بعد وقفها عن العمل: "مش هبطل نصايح"

علقت طبيبة كفر الدوار وسام شعيب على وقفها عن العمل 6 أشهر وخصم نصف الراتب، مؤكدة أنها لن تتوقف عن إبداء النصائح عبر فيديوهاتها.

وقالت طبيبة كفر الدوار، خلال تصريحات إعلامية عقب النطق بالحكم: “كان عندي حسن ظن بالقضاء العادي وكنت متوقعة حكما أكبر من كده والحمد لله إنها جت على كده هعتبرها إجازة في بيتي وفرصة عشان أقعد مع ابني”.

طبيبة كفر الدوار: مبسوطة عشان هقضي وقت مع ابني

وأضافت طبيبة كفر الدوار: “أنا النبطشيات والشغل كان واخد وقتي كله ومكنتش لاقية وقت لابني فالحمد لله أنا مبسوطة أوي عشان هقضي وقت معاه.. ومش هتوقف عن النصايح وهفضل أقول خافوا على عيالكم واهتموا بالتربية وبلاش الحرية الزياده لازم يبقي فيه رقيب”.

وأشارت “وسام”، إلى أنه يجب أن يوجد رقيب على تربية الأولاد ووجود الضرب وليس الضرب المبرح لأن الدين منع ذلك، ولكن وجب وجود الشدة في التربية، مضيفة: “لازم تصاحبوا بناتكم ولازم تبقوا قريبين منهم لأن والدي كان دايما يقول تربية الولاد زي تربية البنات وبركز على تربية البنات أكتر لأن أغلب شغلي المرضى بنات وستات”.

طبيبة كفر الدوار: هستمر في النصايح والدور التوعوي 

وأعربت طبيبة كفر الدوار عن دهشتها من عدد المشاهدات الخاصة بفيديوهاتها قائلة: "الناس اللي عارفاني فاهمة أسلوبي وطريقتي مكنتش بقصد إساءة أو إهانة لحد لكن اللي ميعرفونيش كانوا شايفين الأسلوب غلط ومش هنكر إن أنا هراجع أسلوبي لأن في حاجات تتقال وحاجات لا لأني بقيت شخصية عامة غصب عني بالسوشيال ميديا ومش هعمل لايفات تاني هعمل فيديوهات مسجلة وأعملها مونتاج".

بداية واقعة طبيبة كفر الدوار

وكانت الأجهزة الأمنية قد تمكنت من القبض على الدكتورة وسام شعيب، طبيبة النساء والولادة بمستشفى كفر الدوار، عقب تداول فيديوهات تحدثت خلالها عن حالات حمل ناتجة عن علاقات غير شرعية لفتيات، موضحة أنها تهدف إلى توعية الفتيات من خلال مشاركة الحالات التي تواجهها يوميًا في عملها.