"فهمت بعد ما دخلت الجامعة".. لبنى ونس تكشف تفاصيل تعرضها للتحرش (خاص)

كشفت الفنانة لبنى ونس تعرضها للتحرش حين كانت في السابعة من عمرها، وأن مرتكب هذه الجريمة كان صديق والدها.

وقالت لبنى ونس في تصريحات لـ“تليجراف مصر”: “لما دخلت الجامعة فهمت إني تعرضت للتحرش على يد صديق والدي لأن المجتمع بتاعنا مقفول من البيت للمدرسة مكنش عندنا مساحة للصداقة وللدروس”.

وأضافت: "مستحيل كنت أكلم أهلي على اللي حصل لأني مش فاهمة حاجة واللي حصل وقتها إنه كان بيجي بيسلم عليا بيحضني ويبوسني، المفروض إن دا عادي بس أدركت بعد كدا لما ارتبطت فاكتشفت فعلا اللي حصل.. وعرفت إنه مكنش طبيعي، لكن كان الوقت عدى والسنين راحت".

وقت الحدوث

وتابعت: "وقت ما حصل مع الراجل دا حسبي الله ونعم الوكيل فيه إن شاء الله يكون مات، فتقريبا كان عندي سبع سنين، ولما فهمت اللي حصلي كان أكيد لما دخلت الجامعة وارتبطت وكان عندي 21 سنة".

اقرأ: عملية تجميل أم اكتئاب؟.. الجمهور يهاجم دنيا بطمة بسبب إطلالتها

تعافيت ومرتاحة

وواصلت حديثها: "أكتر حاجه سيئة في تربيتنا إننا مكناش بنتكلم مع أهالينا في أي حاجه بتحصل لنا.. بنخاف وبنتكسف.. الخوف من إن يقولوا غلطانة أو يقولوا انتِ عملتي حاجة، فطول الوقت الواحدة بتأنب في نفسها، وصدقًا لمّا اتكلمت عن الموضوع حسيت دلوقت إني مرتاحة".

الصراحة مع الأولاد

وأكملت: "أنا صرحت لولادي بأن حصل معايا كذا كذا وقلت لهم صدقوني ساعتها مكنتش فاهمة حاجة ومبسوطة إن دلوقت بتكلم معاكم لإن ولادي أقرب ناس ليا".

اقرأ: لبنى ونس تكشف مفاجأة بـ"العتاولة 2": "عيسى الوزان لم يمت"