عمرو أديب: "الأهلي خد الدوري خلاص وأنا مهاجر كندا"

علق الإعلامي عمرو أديب على تصدّر النادي الأهلي جدول ترتيب الدوري المصري الممتاز، مؤكدًا أن الفريق الأحمر حسم البطولة مبكرًا، ولا جدوى من الحديث عن خصم نقاط أو انتظار تعثره.

وقال أديب خلال برنامجه "الحكاية" على قناة MBC مصر مساء الجمعة: "أخطأت لما تخيلت إن الأهلي غير جدير بالدوري المصري.. الأهلي خد الدوري خلاص من غير ما نشغل بالنا بموضوع خصم الـ 3 نقاط".

"الأهلي لا يسقط والزمالك في أزمة"

وأوضح أديب أن الأهلي يتمتع بثبات فني وإداري يجعله يستحق اللقب، مضيفًا: "الأهلي مش بيقع.. إحنا بس وبيراميدز اللي بيقعوا، لما ميبقاش عندك لاعيبة ولا إدارة، يبقى الأهلي هو الجدير بالبطولة. مستنيين الأهلي يتعادل بدل ما نكسب أو نجيب مدرب ولاعيبة".

وأكد أن صدارة الأهلي أصبحت عادة لا تتغير: "الأهلي لما بيعتلي صدارة الدوري مش بينزل عنها بأي حال، وهيكمل كده ويفضل ياخد البطولات".

هجوم على لاعبي الزمالك

وانتقد أديب أداء لاعبي الزمالك، قائلًا: "عندنا في الزمالك 11 لاعب الأهلي مستعد يدفع فيهم ملايين، لكن اللاعيبة دي مفيش عندهم استعداد أو طموح إنهم يلعبوا للزمالك".

وأضاف بسخرية: "قدرنا نشجع فريق مركزه التاني أو التالت.. إحنا بنلعب سلبي والأهلي ياخد الدوري.. البنك الأهلي أجدع بنك فيكي يا مصر.. حسبي الله ونعم الوكيل.. ده أنا مركب دعامة، حرام عليكم".

مشجع زملكاوي في حالة "لا حيلة"

وواصل أديب تعبيره عن الإحباط كمشجع زملكاوي، قائلًا: "حالة من اللا حيلة والمظلومية المستمرة عند الزملكاوية.. إحنا معندناش ماضي أصلًا عشان يكون عندنا مستقبل.. من 10 سنين ببارك للأهلي على الدوري.. ده بيحصل في أي دوري حوالينا؟".

كما انتقد أداء فريقي بيراميدز والزمالك، متابعًا: "الزمالك لا يستحق شيء، وبيراميدز لا يستحق شيء.. والبنك الأهلي أحسن بنك فيكي يا مصر.. أنا هفتح فيه حساب بالدولار والريال والين مش بالجنيه".

رسالة وداع لجماهير الزمالك

واختتم عمرو أديب حديثه برسالة عاطفية إلى جماهير الزمالك: "أنا سيبهالكم.. وهاجر كندا.. ربنا كرمني بقرشين.. هناك مفيش تليفزيون ولا موبايل ولا دوري مصري ولا أهلي.. عيشوا انتوا مع بعض، ومبروك الدوري للأهلي كل سنة"