أول تعليق من مي فاروق بعد رفض دعوى طليقها بحضانة الأطفال

عبّرت الفنانة مي فاروق عن سعادتها الكبيرة بعد رفض المحكمة دعوى طليقها بضم طفليهما، زينة ومالك، وذلك عقب زواجها من الفنان محمد العمروسي.

رسالة امتنان عبر "فيسبوك"

ونشرت مي فاروق رسالة مؤثرة عبر حسابها الرسمي على موقع "فيسبوك"، قالت فيها: "عمر ثقتي في ربنا ما خابت أبدًا، وظني فيه دايمًا إنه كريم وجميل وساندني، وعارف مين المؤذي ومين الصادق اللي اتظلم، وده اللي بيحصل دايمًا، رضا أمي وأبويا ودعواتهم محاوطاني، وثقتي في إني ما بظلمش حد، أنا اللي بتظلم وبوكل أمري لله".

وتابعت: "ده قمة القوة اللي ناس كتير بيفتكروها ضعف، بس عشان هم عندهم مشاكل، أنا مسنودة بسندة ما يهزهاش بشر، وربنا معايا، ودعوات أمي وأبويا في ضهري العمر كله، وكمان في ضهري راجل محترم وأمين، ثقتي فيه عمرها ما خابت، ربنا يخليك ليا ولأولادنا".

شكر للمستشار القانوني

وأضافت مي فاروق: "قانون بلدي وعدالتها النزيهة، وراجل محترم وقف معايا من أول الحكاية، وثقتي فيه كانت كبيرة جدًا، وهو المستشار القانوني ياسر قنطوش فاللهم لك الحمد على نعمك وفضلك وكرمك وسندتك اللي دايمًا عليا نعمة".

دعاء وتفويض الأمر لله

واختتمت منشورها بالدعاء قائلة: "يا رب، رد كيد الكائدين، واحمِ قلبي وأولادي من الحقد والغل. اللهم آمين، وانصرني دايمًا، وزيدهم من اللي في قلوبهم، وابعدهم عنا. اللهم آمين."

أحدث أعمالها الفنية

يُذكر أن مي فاروق قد طرحت مؤخرًا أولى أغاني ألبومها "تاريخي" بعنوان "باركوا"، من كلمات تامر حسين، وألحان مدين، وتوزيع موسيقي أحمد عبدالسلام، وإخراج باسم دوما.