مروة عيد تدافع عن نيرة الأحمر: "كفاية ترويش وسخافة"

أثارت حملة السخرية والتنمر التي تعرضت لها عضو مجلس إدارة الزمالك والإعلامية الرياضية، نيرة الأحمر، موجة من الجدل داخل الوسط الرياضي، بعدما تحوّلت إلى مادة متكررة للسخرية عبر منصات التواصل الاجتماعي عقب كل خسارة يتعرض لها نادي الزمالك، وهو ما وصفه كثيرون بـ"الاستهداف غير المبرر" لمجرد انتمائها الكروي للنادي.

وفي هذا السياق، خرجت لاعبة كرة اليد في نادي نيس الفرنسي حاليًا والأهلي سابقًا، مروة عيد عبدالملك، عن صمتها، لتعبّر عن رفضها لما يحدث، مؤكدة أن ما تتعرض له نيرة لا يمت بصلة للنقد الرياضي، بل يدخل تحت بند التنمر المغلف بالسخرية.

وقالت مروة، في منشور رسمي على صفحتها الشخصية بموقع "فيسبوك": “بما إننا مبسوطين والدنيا تمام، حبيت أشكر البوب إيهاب عمر، لأنه أول واحد اتكلم في الموضوع ده”.

وتابعت: "أنا كان نفسي أتكلم فيه من زمان، ومكنتش قادرة، بس الحقيقة أنا شايفة نفس اللي هو شافه، الصفحات بقت مش لطيفة في تناولها للحوار ده، وكل خسارة للزمالك بيتم فيها نشر صورة نيرة الأحمر مع موجة تريقة مش مفهومة".

وأضافت: "نيرة ملهاش ذنب غير أنها بتحب ناديها، وبتشتغل شغلها. وده مش عيب إطلاقًا، بل حاجة تحترم جدًا. الناس ممكن تختلف مع آرائها، وده طبيعي، لكن من غير تجريح، ولا ترويش، ولا سخافة".

وشددت مروة على أن ما يحدث الآن يشبه نفس ما تعرّضت له من قبل، وقالت: "معظم الناس وقفت جنبي لما جمهور الزمالك تنمّر عليا، وكلهم قالوا: عيب وما يصحش. فليه نكرر نفس الغلط دلوقتي، حتى لو بأسلوب مختلف؟ مش هتكلم عن فكرة إنها بنت أو غيره، الموضوع في الأساس ذوق واحترام".

وأكدت أن الانتقاد حق مشروع للجميع، طالما في سياق مهني أو تحليلي، ولكن أن يتحول الشخص لهدف دائم للسخرية، فهذا مرفوض تمامًا.

وأضافت: "انتقدها براحتك لو في موقف معين أو تحليل مش عاجبك، لكن يا ريت نخف شوية.. الموضوع بقى سخيف جدًا، ودمه تقيل، ولو حصل مع حد يخصك، هتحس قد إيه هو مؤلم ومش مقبول".

واختتمت لاعبة الأهلي السابقة حديثها، بتأكيدها على التعاطف الإنساني مع نيرة الأحمر، قائلة: "أنا عارفة إني ممكن أتعرض لهجوم بسب البوست ده، لكن ربنا وحده يعلم أنا ليه كتبته.. لأني فعلًا حطيت نفسي مكانها. وأنا فعلًا كنت في مكان أصعب من كده بمراحل، وعارفة الإحساس ده كويس أوي".

وأضافت مروة في ختام منشورها: "خلونا نفرح بنادينا، ونسيب كل شخص يشجع النادي اللي بيحبه بالطريقة اللي تريحه. نيرة حرة في انتمائها وآرائها، ومن حقها تشتغل وتُحترم. انتقدها لو حابب، بس باحترام. كفاية ترويش وسخافة".