تفاصيل علاقة مفيد فوزي بزواج سعاد حسني وحليم.. وسبب منعه من الشهادة

كشف مصدر مقرب من عائلة الإعلامي الراحل مفيد فوزي حقيقة زواج العندليب من السندريلا سعاد حسني، وذلك بعد نشر أسرة عبدالحليم بيانا ينفي ذلك الزواج.

حقيقة زواج العندليب من السندريلا

وقال مصدر مقرب من عائلة مفيد فوزي لـ “تليجراف مصر”: “هو طبيعي أسرة عبدالحليم هتقول كدا وهما من زمان بينفوا إن سعاد حسني وعبدالحليم اتجوزوا بقالهم 50 سنة، لكن هما كانوا متجوزين 6 سنين”.

وأضاف: “والأستاذ مفيد فوزي مقدرش يشهد على عقد جوازهم لأنه مسيحي زي ما قال قبل كدا، كان في ناس شهدوا على العقد كمان بس للأسف هما كلهم توفاهم الله الحقيقة”.

مفيد فوزي عن زواج عبد الحليم وسعاد حسني

وفي لقاء قديم للإعلامي مفيد فوزي مع الإعلامي عمرو الليثي في برنامج “واحد من الناس”، كشف مفيد فوزي حقيقة هذا الزواج.

وقال مفيد فوزي: “سعاد حسني كانت متجوزة من عبدالحليم حافظ وحتى هي إديتي صورة علشان يرسمها الفنان عبدالعال لعبدالحليم وهي على شكل عُرس وتتحط على غلاف صباح الخير، وأنا عرفت منها حقيقة جوازهم وكان الجواز ده من نوع خاص وغريب هي في بيتها وهو في بيته، لكنه كان مسؤول عنها في سنوات جوازهم”.

بيان أسرة عبدالحليم 

من ناحية أخرى، نشرت أسرة عبدالحليم حافظ بيانًا ينفي ذلك الزواج، حيث قالت الأسرة خلال بيانها: "عدى على وفاتك يا حليم حوالي نصف قرن والناس لسة بتسأل هل الإشاعة عن جوازك حقيقية ولا لأ؟.. إشاعات كتير طلعت وأنت عايش منها الإشاعات اللي كانت بتقول إنك بتتدعي المرض علشان تنال تعاطف الجمهور وإن نزيفك على المسرح كان كذب”.

وأضافت الأسرة: “وإشاعة الجواز اللي طلعت بعد وفاتك بـ 17 سنة من ناس المفروض إنهم كانوا أصدقائك واستمرت الإشاعة بدون أي مستند أو دليل وكان نفسي ألاقي حاجة تنفيها بدليل قاطع، أنا كنت عارف ومتأكد إنك ماتجوزتش لأنك كنت عايش لأهلك وفنك، ومرضك خلاك تخاف تتجوز وتظلم معاك زوجة وأبناء”.

وتابعت: “بقالي فترة طويلة بدور علي أي دليل مادي يخرس الألسنة ولكني كنت على وشك إني أفقد الأمل ولكن مؤخرًا قررت أحاول محاولة أخيرة وقررت أنبش في كل الأوراق، ومن يومين بس وأنا بقلب في جواباتك الشخصية وبقراها بتمعن لقيت جواب مرسل لك بخط يد السيدة اللي بعض الأشخاص أشاعوا إنك إتجوزتها.. سطور قليلة في صفحة واحدة فيها رد على إشاعات بقالها 31 سنة والناس بتتكلم عنها لحد النهارده".