نجل الفنان عبدالرحمن أبوزهرة: الرئيس يتواصل مع والدي منذ سنوات (خاص)

كشف الموسيقار أحمد أبو زهرة نجل الفنان عبدالرحمن أبو زهرة كواليس مكالمة والده مع الرئيس عبدالفتاح السيسي.

وقال نجل عبدالرحمن أبو زهرة في تصريحات لـ“تليجراف مصر”: “أول مرة تواصل الرئيس عبدالفتاح السيسي مع والدي كان من كام سنة بعد إصابته بكورونا لما خرج من المستشفى تواصل معه، وتاني مرة بعد انتشار خبر إن بابا وقع وحصل له كسر في مفصل الحوض”.

تأثير إيجاب

وتابع أبوزهرة: “دايمًا الريس يتصل يطمئن على والدي.. هو مهتم بيه خصوصًا لما يكون الموضوع متعلق بصحته.. ويسأل عليه ويشوف إذا كان محتاج حاجة، ورئاسة الجمهورية بتتصل الأول وتقول إن الرئيس هيتواصل معكم وبعدين بيكلمه واتفاجأنا طبعًا، والتواصل دا يؤثر إيجابيًا في نفسية والدي وبيسعده وبيفضل يتكلم عن الموضوع فترة وبيعتبر أنه نوع من التقدير لشخصه ولفنه”.

عودة للظهور 

وأضاف: “مفيش فرصة لظهور والدي على الشاشات.. هو مش عايز يظهر، وآخر ظهور إعلامي له كان من 3 سنين وكان مع الإعلامية بسمة وهبة، وبعدها قرر إنه مش هيظهر تاني، عاوز هدوء في حياته وبس.. وهو حاليًا صحته تمام الحمد لله”.

نجل عبدالرحمن أبو زهرة: والدي لا يعاني من الزهايمر ويرفض الحديث عن الفن

نجل الفنان عبدالرحمن أبو زهرة: والدي بصحة جيدة

الشائعات

وأردف: “إحنا مش بنعرّفه أي إشاعة بتطلع عنه"، واختتم أحمد أبو زهرة حديثة قائلًا: “أقول للناس بتوع الشائعات حاولوا تعملوا حاجة مفيدة في حياتكم، وبلاش تضيعوا وقتكم في الشائعات حاجة ملهاش لازمة، الواحد لازم يركز مجهوده في حاجة مفيدة لنفسه أو للناس”.