"أنا شبه كل المصريين".. موقف حيّر الفنان عبدالرحمن أبوزهرة في الشارع (خاص)

كشف الموسيقار أحمد أبو زهرة نجل الفنان عبدالرحمن أبو زهرة موقفًا طريفًا حدث لوالده منذ سنوات أثر في نفسيته بدرجة كبيرة.

وقال أحمد أبو زهرة في تصريحات خاصة لـ"تليجراف مصر": “الحمد لله الناس بتحب والدي جدًا.. وفي ناس بتعتبره واحد من أسرتها من كتر حبهم ليه، وكانت الناس دايمًا لما يشوفوه في الشارع يتجمعوا حواليه”.

حب الناس

وأضاف: “دايما لما كان والدي ينزل الشارع ويكون رايح في حته الناس بتوقفه وتقول له إنت شبه أبويا أو جدي وهو استغرب جدًا من تكرار الموضوع وقتها، وكان بيقول هو أنا شبه مصر كلها؟ فسألنا الطبيب النفسي أحمد عكاشة فقال إن دا شيء طبيعي جدًا لما الناس بتحب حد أوي بتشوفه في صورة أحب الناس إليها”.

الرئيس والفنان

وكشف نجل عبدالرحمن أبو زهرة في تصريحات سابقة لـ“تليجراف مصر” كواليس مكالمة الرئيس عبدالفتاح السيسي لوالده الفنان قائلا: “أول مرة تواصل الرئيس عبدالفتاح السيسي مع والدي كان من كام سنة عقب إصابته بكورونا لما خرج من المستشفى تواصل معه لاطمئنان، وتاني مرة بعد انتشار خبر إن والدي وقع وحصل له كسر بمفصل الحوض”.

تأثير إيجاب

وأضاف أبو زهرة: “دايمًا الريس يتصل يطمئن على والدي.. هو مهتم به خصوصًا لما يكون الموضوع متعلق بصحته.. ويسأل عليه ويشوف إذا كان محتاج حاجة، ورئاسة الجمهورية بتتصل علينا الأول وتقول إن الرئيس هيتواصل معكم وبعدين بيكلمه واتفاجأنا طبعًا أول مرة، والتواصل دا يؤثر إيجابيًا كثيرا في نفسية والدي وبيسعده وبيفضل يتكلم عن الموضوع فترة وبيعتبر ده أنه نوع من التقدير لشخصه ولفنه”.