"حبيبة عمري كله".. وئام مجدي تتذكر جدتها "تيتة نوال" بكلمات مؤثرة

استعادت الفنانة وئام مجدي ذكرياتها مع جدتها الراحلة “تيتة نوال” التي تأثرت بشكل كبير بسبب وفاتها، كما عبّرت عن حزنها الشديد لفقدانها.

الصاحبة الأقرب والأحلى

ونشرت وئام مجدي فيديو سابق لها برفقة جدتها الراحلة عبر حسابها على منصتي “إنستجرام” و"فيسبوك" معلقة عليه بتأثر: “قد إيه أنا ممتنه لـ تيتة وأيامي معاها ومبسوطة إني كنت دايمًا بحب أسمعها وهي موجودة لإن هي سبب إني أبقى أحسن.. مكنتيش جدة كنتي صاحبتي الأحلى والأقرب، كنتي سبب إني أطلع من حتة ضلمة أوي وزعل لضحك وهزار وحب ناس”.

وتابعت  مجدي: “محظوظة بيكي وبلذاذتك وبحب الدنيا كلها ليكي، آه أنا قلبي زعلان وأوى لكن إنتى مكنش ينفع تتعبي أكتر من كده.. إنتى متستاهليش غير إن وشك ده يضحك وده كان سبب الڤيديوهات.. أنا واحدة كان عندي اكتئاب من ظروف وإنتى عندك اكتئاب إنك عيانه وعيشنا سوا سنين حولنا ده لـ أيام ضحك وحلوة وحب الناس اللي كان ملوش آخر.. بس آخر كام شهر نفسي أنساهم من حياتي من العذاب اللي شوفتك فيه واستسلام إني أتفرج عليكي وإنتي بتمشي ولا يا وئام الموضوع مسألة وقت هي مش هتبقى كويسة”.

الأيام الحلوة

كما شكرت وئام جدتها على الأيام التي قضتها معها، قائلة: “شكرًا على الأيام الحلوة الكتير أوي وعلى الضحك كنت بقول إمبارح وأنا جمبها إنتي طول الوقت لآخر لحظة بتندهيلي وئام وئام لو فوق مقولتيش وئام وئام برضو علشان ربنا يبقى معايا بعدك هزعل أوي.. إنتي الناس زعلت عليكي كأنك من عيلتهم.. أنا من يومها لحد دلوقتي جالي أكتر من 60 ألف مسدج الناس بتعزيني فيكي وناس بتقولي لا تيتة لا.. إنتي مش محبوبة عادي”.

ضحك وهزار.. كوميديا "تيتة نوال" مع حفيدتها وئام مجدي

بعد وفاتها.. من هي "تيتة نوال"؟

واختتمت وئام  مجدي حديثها: “ربنا يرحمك يا حلوة وإنتي معايا وهفضل أشوفك وأنزل كل حاجة حلوة بينا علشان إنتي مش هتبقي وقت وعدى فى حياتي.. إنتي مكملة معايا طول عمري، بس بقولك إيه برضو مش هتجوز يا تيتة.. وزي ما كنتي بتقوليلي إنتي حبيبتي، لا ده إنتي اللى حبيبتي وحبيبة عمري كله.. بحبك”.

وئام مجدي وتيتة نوال

واشتهرت تيتة نوال بذلك الاسم بسبب مقاطع الفيديو الطريفة التي تنشرها حفيدتها الفنانة وئام مجدي، حتى تصدرت “تيتة نوال” ترند منصات التواصل بسبب عفويتها الكبيرة وخفة دمها التي عشقها الجمهور، كما أن تيتة نوال هي والدة المخرج الشهير خالد الحجر.