دنيا سامي بعد وصلة "هزار بالتنمر" مع مصطفى غريب: أنا عارفة إني قمر

تصدر اسم الفنان مصطفى غريب ترند مواقع التواصل الاجتماعي خلال الساعات الماضية عقب تصريحات الفنانة دنيا سامي عن علاقتهما، مؤكدة أنه يسخر منها خلال كواليس العمل.

وقالت دنيا سامي عبر لقائها ببرنامج “صاحبة السعادة”: “مصطفى غريب هو أكثر شخص يتنمر عليّ، حيث يصفني بأنني أسوأ بنت في مصر، وأسوأ فتاة رآها في حياته، بل إنه يعتقد أنني ولد في الأساس، ويتنمر عليّ بشكل مبالغ فيه”.

وواصلت: "عندما يقول لي إنني قبيحة، أجيبه بأن ينظر إلى نفسه في المرآة، ثم أخبرته بأنه سمين، لكنه رد قائلًا.. لا، أنا لست سمينًا، بل أنا ضخم، وليس لديكي طريقة للتنمر عليّ".

تعليقات الجمهور

وانهالت تعليقات رواد مواقع التواصل الاجتماعي بالهجوم على مصطفى غريب، والدفاع عن دنيا سامي، مؤكدين أنها صاحبة روح جميلة، كما أنها فنانة قوية.

وعلق على حساب قائلًا: “دنيا فنانة روحها حلوة وشكلها جميل”، وقال آخر: “مين قال إن دنيا وحشة هو مش شايف نفسه؟”.

وانتقد آخر قائلًا: “يبقى الدب دا يشتم وينتقد دنيا هي الدنيا مالها؟”.

اعتذار ومحبة 

عقب الهجوم، خرجت دنيا سامي مجددًا للدفاع عن زميلها مصطفى غريب عبر حسابها الرسمي بموقع “فيسبوك”، قائلة: “بالنسبه للبوستات المنتشرة اللي مشيرة حلقتي مع أستاذة إسعاد يونس اللي أنا بقول فيها إن مصطفى غريب بيتريق عليا وبيقول عليا وحشة وده طبعًا جاب لمصطفى الكلام والشتيمة”.

وأضافت: “أولًا شكرًا على دفاعكوا عني بس أنا أصلًا مش زعلانة من حاجة وأنا ومصطفى صحاب ودفعة واحدة وإحنا الاتنين اتمرمطنا زي بعض وأنا كنت بحكي ده بهزار لإني عارفة إني قمر”.

وتابعت: “مصطفى غريب ده أقرب وأجدع وأطيب بني آدم في حياتي وحياة كل صحابه ولو قعدت أتكلم عليه من هنا لـ 100 سنة مش هيكفي والله قد إيه هو ضهري في الحياة”.

وأكملت: “واللي أنا قلته في البرنامج على اللى مصطفى بيقوله عليا ده هزار بين أي صحاب في أي شله وأنا الحمد لله معنديش عقد ومش حتى عندي عقد ومش عارفة ومش عندي عقد هتظهر بعد كده.. هو بجد مفيش حاجة وأصلًا لو كملتوا باقي الحلقة مع أستاذة إسعاد هتعرفوا إننا مسكناه تريقة وتقطيع أكتر من اللي هو بيهزر فيه معايا بكتير… ولو سمحتوا محدش في الدنيا يشتم مصطفى غريب غيري”.