الأمن يفحص واقعة تعدي 10 أشخاص من جنسيات عربية على شاب بالشروق

تفحص الأجهزة الأمنية بوزارة الداخلية واقعة تم تداولها عبر مواقع التواصل الاجتماعي لتعدي 10 أشخاص يحملون إحدى جنسيات الدول العربية على شاب بمنطقة الشروق التابعة لمحافظة القاهرة.

تفاصيل تعدي 10 عرب على شاب بالشروق

ونشرت شقيقة المجني عليه وتدعى نورهان منشورًا عبر “فيسبوك” تقول فيه: “أنا مش هسكت لحد ما صوتي يوصل.. لأن اللي حصل مش بس ظلم، ده خطر على كل واحد فينا، أنا أخويا اتضرب واتهان وتعب نفسيًا، وباسم القانون بطالب بحقه”.

وقالت: "أنا أخت عصام، ولد محترم ومتربي، اتعرض لاعتداء جوه الكومبوند اللي ساكن فيه على يد 10 شباب يحملوا جنسية إحدى الدول العربية، مش من الكومبوند ولا يعرفهم، ضربوه بطريقة بشعة، بالحزام، واتسببوا له في جرح عميق في راسه وكدمات في جسمه كله".

إصابة خطيرة 

وأكملت: “من بينهم شاب استخدم توكة الحزام في الضرب على دماغه، وده اللي أدى إصابة أخويا بجرح عميق، نتيجة لده، وعصام دخل المستشفى وقعد 3 أيام تحت الملاحظة، واتشخصت إصابته أنها خطيرة، وهي “ارتجاج في المخ”.

وأضافت نورهان: “توجهنا للنيابة فورًا، وعملنا محضر رسمي، وكل الإجراءات القانونية اتبعت. واللي عرفناه إن المتهم الأساسي تم إخلاء سبيله على ذمة القضية، والحمدلله مصر بلد قانون، فيها شرطة وقضاء محترم بيضمنوا العدالة لكل الناس، بكتب عشان أوصل صوتي وصوت أخويا، واللي حصله ميتسكتش عليه”.

واختتمت حديثها: “أنا بطالب بأقصى عقوبة قانونية للمتهم، وبناشد كل مسؤول يراجع تفاصيل الواقعة دي، لأن اللي حصل مش مجرد خناقة، دي جريمة واضحة ومؤذية”.