خروج نجل تامر حسني من العناية المركزة

أعلن الفنان تامر حسني منذ قليل، خروج نجله آدم من العناية المركزة، وذلك بعد خضوعه لعمليتين جراحيتين بسبب انفجار الزايدة.

خروج ابن تامر حسني

وكتب تامر حسني عبر حسابه الرسمي على منصة “فيسبوك”: “لكل الغاليين اللي اهتموا بتعب ابني.. الحمدلله الوضع مستقر بعد العملية التانية وخرج من العناية المركزة بفضل الله ثم دعواتكم”.

وتابع تامر حسني شاكرًا جمهوره: “لو عشت أشكركم عمري كله مش هوفي حقكم وربنا يتمم الشفاء على خير.. ودايمًا بقول على دعواتكم الكريمة: لكم مثلها وأضعاف أضعافها شكراً يا أغلى الناس ربنا يحفظكم ويحفظ ولادكم قادر يا كريم”.

ابن تامر حسني

تعرض في الأيام القليلة الماضية، ابن الفنان تامر حسني “آدم” لأزمة صحية شديدة أدت إلى دخوله العناية المركزة.

أحمد زاهر يدعو لابنته وابن تامر حسني: اللهم اشف آدم وابنتي ملك

"اكشفوا كويس".. تامر حسني يوضح تطورات حالة ابنه الصحية

ما هو مرض ابن تامر حسني؟

وكشف تامر حسني أن نجله آدم تعرض لانفجار في الزايدة وخضع لـ عمليتان جراحيتان، حيث كتب عبر حسابه على موقع “فيسبوك”: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا.. هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية”.

وتابع تامر حسني في منشوره: “بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس واعملوا سونار على البطن والزايدة مرة واتنين عشان برضو ساعات مش بيبان ولازم الدكتور يضغط بطريقة معيّنة، لأني سمعت إن الزايدة خادعة”.

واختتم حسني: “آدم عمل عمليتين صعبين أوي عليه وبدعواتكم مستنيين النتايج تكون خير يا رب ويعدي مرحلة الخطر يا رب، بحق (كن فيكون) اشفيه وعافيه، هو وكل ولادنا”.