"ماذا أقول لأدمعٍ".. جروب "بناتي" لفرز "شباب المحلة"

دشنت فتيات في مدينة المحلة الكبرى وما حولها، “جروب” على موقع فيسبوك، لتبادل صور الشباب، والبحث في ماضيهم، لمعرفة ما إذا كانوا متورطين في علاقات عاطفية متعددة.

الجروب اتنشر باسم “المحلة نيوز”، وانهالت التعليقات من الفتيات، تحت شعار "اقفش خاين".

وبعد هجوم شديد من البعض على  الجروب، واعتبار فكرته قائمة على "كشف ستر الرجال والنبش في ماضيهم بدون وجه حق، لجأت الفتيات إلى حذف المجموعة وإنشاء أخرى عبر تطبيق "واتساب". 

تعليقات الجمهور

وكان من ضمن تعليقات أحد الشباب: "بنات المحلة عاملين جروب من شوية، كل واحدة تخش تنزل صورة اللي هي مرتبطه بيه ف بوست، والفضايح شغالة. بلاش هزار في الحاجات دي يا جدعان، وعلي رأي عبد الملك زرزور: المصيبة جاية جاية".

بينما علقت فتاة أخرى، على انتشار هذا الفيديو، قائلة: "الجروب دا عرفني حاجة واحدة: إن ذوق بنات المحلة زي الزفت".

انتقادات للفتيات

وانقسمت الآراء حول مؤيد ومعارض لفكرة هذا الجروب، فجاءت من ضمن التعليقات الرافضة لها: “مش لازم تهيص مع الهيصه واي موقف يحصل لازم تتكلم فيه وتخوض في حوارات ملهاش اي لازمه واي موضوع يحصل تتكلم فيه ، النبي ﷺ بيقول كفى بالمرء إثما أن يحدث بكل ما سمع، وربنا ﷻ قال في القرآن ان من اسباب دخول سقر من اودية جهنم ( وَكُنَّا نَخُوضُ مَعَ الْخَائِضِينَ”.
 

وقال أحد المتابعين أيضا: "بمناسبة حوار الجروبات والصور والقرف دا، لو شاكة فيه يا ماما انه خاين او بيتسلي سبيه يا قلبي اصل انتي بتحبي علشان تطمني مش داخلين سباق احنا".

وقالت إحدى الفتيات منتقدة فكرة الجروب: “كل فترة يطلعوا بحاة جديدة وتريند جديد، وحرفيا بقت حاجه تقرف ولا تطاق، والأكتر حوار الجروبات اللي طالع ده، بجد حاجة قمة في القرف، وفاكرين أن دي حاجة جامدة، وأساسا محتاجين يتعالجوا ويستاهلو اللي يحصل لهم".