بعد جدل موازين.. وليد منصور: شيرين عبدالوهاب "أم كلثوم" العصر الحديث

وليد منصور وشيرين عبدالوهاب

محمد الهباء

A . .A

دعم المنتج وليد منصور، الفنانة شيرين عبدالوهاب، بعد هجوم الجمهور عليها بسبب غنائها بطريقة "البلاي باك" في حفلها الأخير في مهرجان موازين المقام حاليًا بدولة المغرب.

وكتب منصور، عبر حسابه على “فيسبوك": "صباح الخير صباح النجاح صباح كل حاجة حلوة، مستغرب جدًا من أن في ناس قاعدة تتكلم على شيرين عبدالوهاب في حفل موازين".

أم كلثوم العصر الحديث

وأضاف: "كل الجهات المنظمة هناك بتقول لك أكبر عدد جماهيري في تاريخهم مستغرب أكتر من شوية اللجان الفاشلة اللي للأسف من ناس تابعة لفنانة متخيلة كده مثلًا إنها هتغلوش على نجاح شرين يا جماعة أنا بقالي 18 سنة شغال في شغلانة الحفلات".

وتابع: "ومع احترامي الكامل مصر مفيهاش غير شيرين عبدالوهاب واحدة؛ طبعًا فيه نجمات مصريات كبار جدًا جدًا بس شرين عبدالوهاب الممثل الشرعي لصوت مصر في العالم شيرين لو رحت شارع شعبي تلاقي أغانيها".

واستكمل: "لو رحت ديسكو هتلاقيها لو رحت ستاد هتلاقيها هي قدرت بصوتها وإحساسها تكون صوت لجميع طبقات المجتمع".

وأردف: “سافر مع شيرين وشوف هتفهم هي فين ويا ريت بعيد عن أي أمور شخصية نفهم إن الفنانة دي حالة فنية صعب تحصل دايمًا أنا شايف شيرين أم كلثوم العصر الحديث، أنا عملت ليها 80٪؜ من حفلات مصر مفيش حفلة مكنتش أعلى حفلة لفنانة".

وواصل: "شيرين بنت البلد اللي هتفضل بفنها في حتة لوحدها فيا ريت لما حد ينجح مندورش على حاجات مضحكة، ونقولها؛ أصل كان في كام أغنية بلاي باك علشان مرارتي بتتعب والنبي".

واختتم: “غنوا كل الأغاني بلاي باك وروني الجمهور هيفضل يغني كل أغانيكم وحافظينها زي شيرين. شرين طالعة من محنة وشرفتنا بجمهور فاق كل حاجة بدل ما ندعم قاعدين نقول كلام غريب، مبروك شيرين هتفضلي صوت مصر الحقيقي".

حفل شيرين عبدالوهاب في موازين

وكانت شيرين عبدالوهاب قد أحيت حفلًا غنائيًا يوم السبت الماضي ضمن فعاليات مهرجان موازين بدولة المغرب، وغنت خلاله بطريقة البلاك باك، مما عرضها للهجوم من قبل جمهورها.