"معمولنا عمل".. زوج المتهمة بإنهاء حياة ابنيها بالعمرانية يكشف تفاصيل الجريمة

شهدت منطقة العمرانية التابعة لمحافظة الجيزة واقعة مأساوية إثر إقبال سيدة على إنهاء حياة ابنيها الاثنين بعد الاعتداء عليهما وتقييدهما.

كلمتها لقيتها مش بترد 

وقال زوج المتهمة، في تصريحات لـ "تليجراف مصر": "يوم الجريمة كلمت مراتي كتير عشان اتطمن على البيت ليقتها مش بترد".

لقيت أولادي عليهم آثار اعتداء

وأضاف الزوج: "لما لقيت مراتي مش بترد روحت على البيت ودخلت ملقتش مراتي ولقيت أولادي عليهم آثار اعتداء شديد وميتين".

مراتي في كامل قواها العقلية 

وأكمل: "كل الناس بتقول إن مراتي هي اللي خلصت عليهم بس هي مستحيل تعمل كده وتكون في كامل قواها العقلية".

الجن طلب منها تخلص عليهم 

وأشار: "مراتي أحسن وحدة شفتها في حياتي وأكتر وحدة بتخاف عليا وعلى أولادها، ولكن للأسف مراتي كانت واقفة قدامي في المراية ومرة وحدة الجن طلب منها تخلص عليهم".

السحر والأسود والجن هما السبب

وأنهىي حديثه: "أنا مش بتهم مراتي بأي حاجة عشان السحر الأسود والجن هما السبب في كل اللي حصل وحسبي الله في كل واحد يعمل أعمال وسحر عشان يأذي الناس".

تفاصيل البلاغ

وتلقى مدير المباحث الجنائية بمديرية أمن الجيزة، اللواء هانى شعراوي، إخطارًا من رئيس قطاع الغرب العميد عمرو حجازي مفاده تلقي رئيس مباحث العمرانية المقدم أيمن السكري بلاغًا من عامل يبلغ من العمر (29 عامًا) أفاد فيه بعثوره على طفليه، "أدهم أ" و“نوح أ” (أحدهما يبلغ من العمر 5 سنوات والآخر 3 سنوات)، داخل منزلهما مكبلين وعلى جسديهما آثار تعذيب شديد، وقد فارقا الحياة، لافتا إلى غياب والدتهما عن المنزل في التوقيت ذاته.

تحقيقات جارية

وانتقلت قوة من مباحث القسم إلى محل الواقعة، حيث تم اتخاذ الإجراءات القانونية اللازمة، وبدأت الجهات المختصة في سماع أقوال الشهود وجيران الأسرة، إلى جانب مراجعة كاميرات المراقبة المحيطة بموقع الحادث، للوقوف على الملابسات الكاملة.