والد ضحية سيارة النائب: "مش هسيب حقه لحد آخر يوم في عمري"

شهدت مدينة شبين القناطر بمحافظة القليوبية واقعة مأساوية، بعدما لقي طفل يبلغ من العمر عامين ونصف مصرعه، دهسًا أسفل سيارة يقودها سائق تابع لأحد أعضاء مجلس النواب، أثناء لعبه أمام منزله.

 الحادث المفجع أثار غضبًا واسعًا بين الأهالي، وسط مطالبات بمحاسبة المتسبب دون اعتبار لأي صفة.

تفاصيل حادث دهس طفل شبين القناطر 

وكشف تفاصيل الواقعة والد الطفل عبدالله في تصريحات خاصة لـ "تليجراف مصر" وقال: “ابني كان عنده سنتين ونص، وراح مني في لحظة”. 

وأضاف “السواق التابع لعضو مجلس نواب خبطه قدام باب بيتنا، قدام الناس كلها”.

الابن الوحيد   

وأضاف والد الضحية: “من ساعتها وأنا مش قادر أقف على رجلي، ومراتي كل يوم في المستشفى، بتتعلق لها محاليل من شدة الصدمة، عبدالله كان ابني الوحيد، حلمت بكل لحظة في مستقبله، وكنت بعيش عشانه”.

  مطالب بالعدالة لوفاة عبدالله

وتابع: “معملتش عزاه لحد النهاردة، قلبي مش قادر، وبيتي من بعده اتقلب حاله، بس والله ما هسيب حقه، هافضل ورا اللي عمل كده لحد آخر يوم في عمري، لحد ما آخد حق عبدالله".