فيفي عبدة: الرقص مش حرام.. وأنا محجبة في لساني

خرجت الفنانة فيفي عبدة عن صمتها وردت على كل من يهاجم مهنة الرقص الشرقي ويؤكد حرمنيته، مشيرة إلى أن الرقص ليس حرامًا بل “شغل زي أي شغل”.

هل الرقص حرام؟ فيفي عبدة تجيب

وقالت فيفي عبدة، خلال لقائها في برنامج "عندي سؤال" الذي يقدمة محمد قيس عبر شاشه قناة "المشهد": "الرقص حرام ليه؟ هو مش شغل زي أي حاجة الباليه حرام؟ في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه".

ووجه قيس لها سؤالًا عن سر عدم ارتدائها الحجاب فردت قائلة: "أنا متحجبة طول الوقت، الكلام دا يتقال للناس الفالتة، أنا بعتبر إني محجبة؛ لأني مش بعمل حاجة غلط، ومش بجيب في سيرة الناس، محجبة في لساني وفي كل تصرفاتي، مطلوب مني إيه أكتر من كده، وإذا كان على الشغل لو ربنا قالي في أي وقت إلبسي الحجاب هلبسه".

وكان آخر ظهور للفنانة فيفي عبدة في مسلسل "شغل في العالي" الذي عرض عام 2022، واشتركت في بطولته مع شيرين رضا، ومروان يونس، ونضال الشافعي. والعمل من إخراج مرقس عادل، وتأليف حسين مصطفى محرم.