الغندور عن استياء الأهلي من تصرف إدارة البنك: "شوفوا سيراميكا وزد"

علق الإعلامي خالد الغندور على ما تردد بشأن وجود استياء داخل النادي الأهلي من إدارة البنك الأهلي بسبب عدم تسهيل التعاقد مع بعض اللاعبين، مؤكدًا أن هذا الموقف لا يجب أن يُنظر له باعتباره استثناء، بل جزء من واقع يشمل جميع الأندية.

سبب استياء الأهلي من إدارة البنك

وقال الغندور خلال تقديمه لبرنامجه "ستاد المحور": "إن الحديث عن استياء الأهلي من البنك الأهلي علشان رفضوا يبيعوا ليهم الجزار وأسامة فيصل وأحمد ربيع، ثم فجأة أحمد ربيع رايح الزمالك، طبيعي جدًا،  ده حصل مع الزمالك في مواقف مشابهة، ومحدش وقتها اتكلم عن أي استياء".

الأمر نفسه تكرر مع الزمالك من قبل

وأضاف: "في انتقالات يناير اللي فات، نادي زد، اللي مالكه نجيب ساويرس المعروف بانتمائه للأهلي، رفض بشكل قاطع يبيع أي لاعب للزمالك، لكن أول ما الأهلي طلب مصطفى العش، تمت الموافقة فورًا"ز 

وتابع الغندور: "نفس القصة مع سيراميكا كليوباترا، الزمالك طلب أحمد بيكهام أكتر من مرة واترفض، لكن لما الأهلي طلبه، الصفقة تمت والمالك طلع قال: (أنا أدي عنيا للأهلي لو طلب)". 

بعض الأندية تحركها مصالحها

واختتم قائلًا: "دي مش أول مرة نشوف فيها أندية بتحركها مصالحها، وده طبيعي في الكرة، بس الغريب إن لما الأمور تمشي لصالح الأهلي مفيش حد بيتكلم، لكن أول ما يحصل العكس نسمع عن (استياء)".