"نخاسة أون لاين".. فضائح وشذوذ في "حوار الجروبات"

ضجة كبيرة في مصر، أثارها هاشتاج “حوار الجروبات” الأكثر تداولًا على منصة "إكس" (تويتر سابقًا)، خلال الساعات الماضية، ما القصة؟.

التحقق من الأخلاق

وفي التفاصيل، دشن عدد من الشباب جروبات عبر تطبيق الدردشة الشهير "واتساب"، بغية نشر صور الفتيات وتداولها للتحقق من أخلاقها سواء كانت في علاقة عاطفية أم لا، على حد زعمهم.

هذه الجروبات التي تداولت على نطاق واسع عبر وسائل التواصل الاجتماعي، لم تسلم منها الفتيات بعد نشر صورهن والخوض في أعراضهن، ما وصفها البعض بأنها “نخاسة أون لاين”.

صور البنات

لم يكن “حوار الجروبات” هو الترند الوحيد الذي تناول القضية، بل تصدر ترند آخر يناقشها تحت اسم “صور البنات”.

وقالت ملك عبر موقع "إكس"، “الشباب بيبعتوا صور البنات اللي مرتبطين بيهم وكدا وبيسألوا لو أي ولد في الجروبات يعرفها، وكل بينت كانت بتبعت صور خطيبها أو اللي مرتبطة بيه عشان تتأكد أن منفيش واحدة تانية عارفاه”.

محاضر شرطة

وقالت متابعة شاركت في ترند “صور البنات”، “حوار الجروبات دا حصل عندنا في البلد، بنوته عملت الجروب وضافت عليه 300 بنت، ونزلوا صور للولاد واللي تقول أمان واللي تشتم وتغلط وكلام كتير، وفي الأخر واحدة من البنات دي خدت اسكرينات للكلام دا وبعتتها لواحد، ومن واحد لواحد البلد كلها اتقلبت، والولاد عايزين يعملوا محاضر باللي حصل”.

وقائع شاذة

وقائع شاذة عن العادات والتقاليد والأعراف المجتمعية، هكذا أبدى أحد المتابعين برأيه عندما نشرت فتاة منشور تقول فيه، “بمناسبة حوار الجروبات الظاهر الفترة دي، قريبي بيقولي أنه واحد نزل صور أخته، والله هي وصلت بينا لكدا يا جماعة؟ مبقاش في غيرة حتى على أهل بيتك”.

شاهدة عيان

ودونت متابعة أخرى كانت شاهدة عيان على ما يدور في إحدى هذه الجروبات، قائلة، “حوار الجروبات دا بيحصل كل كام سنة تيجي واحدة ملهاش لازمة وواحد ميسواش في سوق الرجالة يعملوا جروب يفضحوا ناس ملهمش ذنب وبعدين يسكتوا”.

متاجرة بالأعراض 

ودون آخر، "هو إحنا وصلنا للدرجة دي في الشك وقلة الأدب والمتاجرة بأعراض الناس في حوار الجروبات، هو أنت يا مريض ولو مش واثق فيها من الأول مترتبطش ولا تكلمها، والبنات بردو أنا معاكم إن الزمن ده بقى متوقع فيه كل حاجة، بس مش لدرجة نعمل جروبات شباب وبنات عشان نتأكد الطرف التاني بيكلم غيرنا ولا لأ".