هنا جودة: مفيش أي دعم وصلني بعد الهزيمة من المصنفة الأولى عالميا

رغم وداعها لبطولة "أمريكا سماش" الدولية من دور الـ32، أثبتت هنا جودة، لاعبة النادي الأهلي ومنتخب مصر لتنس الطاولة، أنها قادرة على مجاراة الكبار، بعد مباراة نارية جمعتها بالصينية “سون يينغشا"، المصنفة الأولى على مستوى العالم، انتهت بفارق ضئيل (3-2) لصالح اللاعبة الصينية.

هنا علّقت عبر حسابها على "فيسبوك"، قائلة: "الحمد لله، دي واحدة من أقوى المباريات اللي لعبتها في بدايتي.. الخسارة من رقم 1 على العالم سيدات بنتيجة 3-2، الخسارة المرة دي ادتني ثقة كبيرة قد أيه إحنا قريبين ونقدر نتعب ونشتغل أكتر عشان نوصل لحلمنا".

هنا جودة.. مفيش أي دعم وصلني

ورغم الأداء البطولي، كشفت هنا عن تفاصيل مهمة بخصوص رحلتها، حيث قالت: "حابّة أوضح إن مفيش أي دعم وصلني من الاتحاد المصري لتنس الطاولة، لا السابق ولا الحالي، من أكتر من سنة.. كل الدعم اللي بيوصلني من الرعاة اللي صدقوا فيا ووقفوا جنبي وتكفلوا بكل سفرياتي أنا ومدربي".

وأضافت: "شكراً للرعاة الرسميين اللي آمنوا بحلمي وبيساعدوني إني أكمّل.. من غيرهم مكنتش وصلت للمستوى ده.”

وختمت هنا جودة رسالتها برسالة أمل للجمهور، قائلة: "شكراً لكل حد دعمني في المكسب والخسارة، ووعد مني إني مش هقف، وهكمل عشان أحقق حلمي وأكون واجهة مشرفة لبلدي".