"مش قادر أستوعب".. زيزو يوجه رسالة للجماهير

وجّه أحمد سيد "زيزو"، لاعب النادي الأهلي، رسالة إلى الجماهير عبر حساباته على وسائل التواصل الاجتماعي، في أول تعليق له بعد موجة الانتقادات والهجوم الذي تعرض له خلال الأيام الماضية. 

وتحدّث زيزو بشكل عام دون الدخول في تفاصيل، مؤكدًا احترامه للجميع، أمام بعض التجاوزات التي لا تعبّر عن الروح الحقيقية للجمهور، الذي يكنّ له كل التقدير.

وقال زيزو عبر “إنستجرام”: “السؤال الوحيد والأوحد اللي مش عايز يطلع من دماغي ونفسي ألاقى ليه إجابة هو بجد لما حد يخوض في عرض الناس ويقعد يشتّم فيهم ويسب ويتنمر، دا بيعود ولا بيرجع عليه بإيه! هل بيروح البيت بيلاقي بيته اتغير، طيب بيبص تحت بيته بيلاقي العربية اللي نفسه يجبها”.

زيزو ينتقد الجماهير

وأضاف: "طيب ولاده وصلوا للمكانة اللي بيتمناها؟ طيب عيش أبوه وأمه في حاجة يستحقوها؟، مش قادر أستوعب فعلًا الموضوع، بلا شك، هل اللي بتخوض في عرضه دا وبتشتّمه وبتتنمر عليه بيصحى بعد شتيمتك دي مش شغال نفس الشغلانة؟ معندوش نفس البيت؟ طب والعربية؟ حياتكو يعني اتغيرت؟ الإجابة لا".

وأشار: "طيب ليه بتعمل كده، عمال تكبر وتكثر في ذنوب الله أعلم هتعرف تمسحهم ولا لا ومفيش حاجة علىي أرض الواقع بتتغير بعد الشتيمة دي كلها!! مش بتشوف كل الناس اللي فجأه مبقوش حوالك؟ دي مش حاجة تخليك تتعظ! تخليك تفكر أنا بعمل كده ليه و عشان إيه! فكر كويس عشان والله ما في حاجة مستاهلة، أعرف إن رزقك كده ربنا كاتبه لك وإنت بتختار الطريقة اللي بيجيلك بيها الرزق فخليها دايما طريقتك كويسة وفكر دايما إنها مش دايمة، صباحكم جميل".

غياب الزمالك عن جلسة زيزو

وتغيب ممثلو نادي الزمالك في الأيام السابقة عن حضور جلسة الاستماع التي حددتها إدارة شؤون اللاعبين باتحاد الكرة المصري للنظر في الشكوى المقدمة من القلعة البيضاء ضد اللاعب وناديه الجديد.

وقال مصدر لـ"تليجراف مصر" إن إدارة شؤون اللاعبين كانت قد أخطرت نادي الزمالك رسميًا بموعد جلسة استماع لمناقشة الشكوى، والتي تم تحديدها يوم الأحد الماضي، إلا أن مسؤولي الزمالك لم يحضروا الجلسة، ما يطرح تساؤلات حول موقف النادي من التصعيد في القضية.