بعد "ستوري" زيزو.. حارس الزمالك يثير الجدل: “كلنا هنكون تحت الأرض”

وجه محمد صبحي، حارس نادي الزمالك، رسالة مثيرة وغامضة، عبر وسائل التواصل الاجتماعي، بعد دقائق من منشور أحمد مصطفى زيزو لاعب الأهلي، والذي كان يشكو تطاول الجماهير.

وقال صبحي عبر "إنستجرام": "والله فعلا الدنيا دي فانية ومتاع غرور، لو فكرنا شوية في الناس اللي ماسكة في الدنيا واللي بتأذي وتظلم وتاكل حق ناس، صدقني كمان 50 - 60 سنة هنكون كلنا تحت الأرض، بيتك هيسكن فيه ناس تانية، فلوسك مش هتكون ليك، ربنا يهدينا ويحسن خاتمتنا ويسترنا فوق الأرض وتحت الأرض ويوم العرض عليه".

وسبقه زيزو عبر ستوري على “إنستجرام”، قائلًا: “سؤال الوحيد والأوحد اللي مش عايز يطلع من دماغي ونفسي ألاقى ليه إجابة هو بجد لما حد يخوض في عرض الناس ويقعد يشتّم فيهم ويسب ويتنمر و و و ده بيعود ولا بيرجع عليه بإيه، هل بيروح البيت بيلاقي بيته اتغير، طيب بيبص تحت بيته بيلاقي العربية اللي نفسه يجبها”.

وواصل: "طيب ولاده وصلوا للمكانة اللي بيتمناها؟ طيب عيشة أبوه وأمه في حاجة يستحقوها! مش قادر أستوعب فعلًا الموضوع، هل اللي بتخوض في عرضه دا وبتشتّمه وبتتنمر عليه بيصحى بعد شتيمتك دي مش شغال نفس الشغلانة؟ معندوش نفس البيت؟ طب والعربية؟ حياتكو يعني اتغيرت؟ الإجابة لا، طيب ليه بتعمل كده، عمال تكبر وتكثر في ذنوب الله أعلم هتعرف تمسحهم ولا لا".