خالد نجم “ذا فويس كيدز”: “تامر حسني عملي بلوك.. وأنا مش بتاع ترند”

فاجأ خالد، أحد المشاركين في الموسم الثاني من برنامج "ذا فويس كيدز" عام 2018، الجمهور برسالة مطوّلة نشرها عبر منصاته، كشف فيها تجربته مع النجم تامر حسني، الذي كان مدربه في البرنامج، موضحًا سبب اتخاذه موقفًا منه رغم الانطباع العام بأنه كان جزءًا من فريقه.

الطفل الصعيدي يكشف عن سبب موقفه من تامر حسني

وقال خالد، الذي اشتهر آنذاك بظهوره مرتديًا الجلباب الصعيدي، في بداية حديثه: "صباح الخير عليكم، أكيد كلكم فاكريني، أنا خالد الطفل الصعيدي اللي شارك في ذا فويس كيدز 2018، وكنت لابس جلابية، وفي ناس بتسألني، إزاي مبتحبش تامر حسني رغم إنك كنت في فريقه، فالنهارده هاحكيلكم ليه، وأتمنى كل واحد يقرأ كلامي بقلبه ويفهمني صح".

كواليس ما بعد البرنامج: وعود لم تُنفذ

تابع خالد، أنه بعد خروجه من المسابقة في مرحلة مبكرة، رغم اعتراض كثير من الجمهور على قرار استبعاده، تلقى اتصالًا من أحد أفراد فريق تامر حسني يدعوه إلى زيارة الاستوديو الخاص به في الشيخ زايد، رغم أنه كان لا يزال طفلًا في الرابعة عشر من عمره ويقيم في الصعيد.

وأضاف: "رحت البيت، ودخلت الاستوديو، لكن ملقتش تامر. لقيت مهندس صوت قاللي تامر عايزك تسجّل موال صعيدي لفيلم جديد ليه، وسجلته بالفعل، وبعد كده دخل شخص بكاميرا وطلب مني أقول كلام عن إني بحب تامر وإنه بيساعدني وواقف جنبي.. قلت الكلام واتسجل، وقالولي المنتج هيكلمني".

لكن بحسب رواية خالد، ما حدث بعد ذلك كان صادمًا بالنسبة له: "خرجت من الاستوديو وفوجئت إني اتبعتلي بلوكات، لا المنتج كلمني، ولا تامر، ولا قدرت أوصل لحد.. حسيت إن الحلم اتكسر وأنا لسه طفل صغير".

لقاء بعد سنوات.. بلا نتيجة

وأشار خالد إلى أنه بعد سنوات، التقى بتامر حسني مجددًا خلال حفل تأبين الموسيقار الراحل محمد رحيم، حيث اقترب منه وقال: "قلتله أنا خالد، مش فاكرني؟ رد عليا بضحكة وقاللي فاكرك.. قلتله عايز أقعد معاك، قاللي هكلمك، ولحد النهارده لا كلمني ولا ساعدني".

رسالة عتب وليس هجوم

اختتم خالد رسالته، مؤكدًا أنه لا يسعى للظهور أو الترند، لكنه شعر بأنه من حقه توضيح موقفه بعدما كثرت الأسئلة حوله، قائلا: “أنا مش بتاع ترند، ولو كنت عايز أعمل لقطة كنت عرفت، بس كرامتي فوق كل ده، أنا مش زعلان، بس بتكلم عشان الناس تفهم.. اللي بيساعد بيساعد لوجه الله، مش عشان يتصور ويتشكر.. مش منتظر من تامر حاجة، لكن حبيت أوضح موقفي”.

خالد يختتم رسالته بدعاء لتامر حسني

رغم كل ما ذكره، لم يختم خالد كلامه بغضب أو هجوم، بل دعا لتامر قائلًا: "ربنا يهديه ويصلح حاله، ومش منتظر منه مساعده، بس كان لازم أرد على اللي بيسألني".