بعد إثارتها للجدل.. عالم بالأوقاف لـ سوزي الأردنية: "اتكلمي بأدب"

وجه أحد علماء وزارة الأوقاف، الشيخ أشرف عبدالجواد، رسالة نارية للبلوجر سوزي الأردنية بعد حديثها الأخير بلقاء صحفي ليلة ظهور نتيجة امتحانات الثانوية العامة وحديثها عن النبي محمد ﷺ وحاولت أن تقارن نفسها به صلى الله عليه وسلم، قائلة: "الرسول كان تاجر ومش متعلم وأنا دلوقتي معايا شهادة ومتعلمة وبشتغل في التجارة".

حديث سوزي عن النبي

وقال الشيخ أشرف في تصريحات لـ"تليجراف مصر": "يا سوزي لما تتكلمي في حضرة النبي اتكلمي بأدب وباحترام فهو أفضل وأحب وأكرم خلق الله وهو ليس مثل والدك يعني مش زي أبوكي اللي إنتي تجاوزتي في حقه وشتمتيه قبل كدا، والأمية كمالا وليس نقصا، لأن المشركين اتهموا رسول الله بالسحر والكهانة والجنون، لذلك أُمية رسول الله كمالًا حتى لا يظن شخص أنه أتى بالقرآن من عند نفسه".

وأكد: "الله عز وجل لم ينادي على الرسول، يا محمد والمتتبع لجميع آيات القرآن الكريم يجد أن الله كان ينادي عليه بوصف النبوة والرسالة، مثل؛ يا أيها النبي إنا أرسلناك مبشرًا ونذيرا، ولكن بالنسبة للأنبياء قبل سيدنا محمد الله كان ينادي عليهم بأسمائهم أما النبي محمد فله قدره ومكانته عند الله عز وجل وأول الأنبياء نورً وآخرهم ظهورًا".

فيديو سوزي لأردنية

وبعد انتشار مقطع الفيديو الذي أثار جدلًا واسعًا حول تصريحات سوزي الأردنية، تم حذفه، قبل أن تخرج سوزي الأردنية عبر خاصية "الأستوري" على "إنستجرام"، بمنشور قالت فيه: “بجد الناس بقت بتحرف الكلام بمزاجها عشان الريتش والشو وتكبير المواضيع”.

الرسول كان تاجر 

وتابعت: "لما قلت (على دماغي) كنت أقصد التعظيم والحب في وصف النبي عليه الصلاة والسلام، مش تقليل منه أبدًا.. كنت بتكلم عن إنه كان تاجر ومتعلم، وأنا كمان بشتغل في التجارة ومعايا شهادة، فكنت بحاول أوضح إنّي بتشبه بأخلاقه وجديته في الشغل".

وأضافت: "الكلام اتفهم بطريقة غلط واتحرف عشان يوديني في داهية.. حسبي الله ونعم الوكيل، الدنيا خربت من كل ناحية، وسلّمت أمري لربنا.. واللي حصل دا كبير أوي عليّا، وأنا أصلًا مريضة قلب، والكلام دا مأثر فيّ جدًا.. أنا ما عملتش حاجة تستاهل كل دا".

وفي منشور آخر، كتبت سوزي الأردنية: "أنا حابة أوضح حاجة مهمة جدًا.. في اللقاء اللي اتذاع، كنت بتكلم بعفويتي وقلت كلام اتفهم غلط، ومستحيل أكون أقصد إساءة أو استهزاء، واللي يعرفني يعرف إني بحترم ديني جدًا وبحاول دايمًا أكون عند حسن ظن ربنا والناس".

واختتمت برسالة مؤثرة: "أنا مش مسامحة، لأن المرة دي فعلاً التأثير كان كبير عليّ، واللي حصل بسبب تحريف الكلام واتهامات باطلة لا يستحقها إنسان بيفكر بس في لقمة عيشه واحترامه لنفسه ودينه".

نتيجة الثانوية العامة 2025

وفي وقت سابق، أعلنت البلوجر سوزي، الأردنية نجاحها في امتحانات الثانوية العامة 2025، بنسبة 50% بعد 3 سنوات من تكرار التجربة حيث رسبت مرتين، ونجحت في الثالثة.

نجاح سوزي الأردنية

وقالت سوزي الأردنية في فيديو عبر “تيك توك” “الحمد لله نجحت وجبت 50% بعد 3 سنين، وخطوبتي بعد يومين، معرفش على مين لسه، بس خلاص هتخطب. اللي هيجي لي هوافق عليه. الشهادة كانت اللي موقفاني، بقالي سنة عايزة أرتبط وأمي كانت بتقول لي: انجحي الأول”.

وأضاف سوزي: “جبت 50% بمجهودي، أقسم بالله، بقالي سنتين، ودي السنة التالتة. محدش هيقدر يضايقني أو يقول كلمة، لأني نجحت بفضل ربنا.. المجموع مش هيدخلني أي جامعة ولا كلية، بس هخش جامعة خاصة وخلاص”.