بعد اكتمال مبلغ تبرعات الطفل علي.. هيدي كرم: فخورة إننا مصريين

أعربت الفنانة هيدي كرم، عن سعادتها الشديدة لاكتمال مبلغ التبرعات الخاص بالطفل علي، المصاب بضمور في العضلات.

هيدي: فخورة بالمصريين

وقالت هيدي كرم، خلال فيديو نشرته عبر إستوري بحسابها الرسمي بمنصة "إنستجرام": “لمينا الفلوس، مش قادرة أقولكم السعادة اللي أنا فيها، فخورة إننا مصريين، وفخورة بإنسانيتنا”.

وتابعت: "فيه ناس اتبرعت وأنا معرفش جنسيتهم، ورجال أعمال تدخلوا، وبقى عندي أمل في الإنسانية من تاني، إحنا وقت الجد مش بنهزر، ربنا يخلينا لبعض".

وأضافت: “إنتوا رجعتولي إيماني وأملي في الناس، أختي كلمتني وقالتلي إن فيه ناس اتبرعت بـ100 و50 جنيه، إنتوا متخيلين الخمسين جنيه عند ربنا عاملة زي”.

واختتمت: "فيه ناس اتبرعت بآخر فلوس معاهم، ومش هيجيبوا حاجة للبيت علشان يتبرعوا، إن البني آدم ياخد من لحمه الحي ويحرم نفسه وولاده علشان يساعد غيره، دي حاجة كبيرة أوي عند ربنا".

الطفل علي

وكشفت والدة الطفل علي، المصاب بضمور العضلات، مفاجأة سارة في أزمة تكاليف علاج نجلها خلال رحلة جمع التبرعات اللازمة.

وفي مقطع فيديو لها عبر حسابها الرسمي بموقع “إنستجرام”: “النهاردة 7 أغسطس، حساب علي اكتمل، وتم تجميع ثمن علاجه بفضل الله وبرحتمه في أقل من شهرين”. و

أضافت والدة الطفل علي: “وإنتم قدرتوا تعملوا معجزة وتنقذوا طفل كان محتاجكم ومحتاج أمل يكمل حياته، وأم ربنا اختبرها، واستنجدت بيكم، وإنتم كنتوا حاضرين بمساعدتكم وتبرعكم، والحمد لله وصلنا للمبلغ وأتمنى ميحصلكوش اللي حصل لينا”.