دور الزعيم أشعل الأزمة.. محمود عزازي يفتح النار على تامر عبد المنعم

كشف الفنان محمود عزازي، عن تفاصيل أزمته مع الفنان تامر عبد المنعم، بسبب غيابه عن عرض مسرحية “نوستالجيا 80/90”.

وكان تامر عبد المنعم، أعلن في وقت سابق أنه اضطر للقيام بدور الزعيم عادل إمام في المسرحية، بسبب غياب عزازي عن العرض.

وقال عزازي، في فيديو عبر حسابه الرسمي بمنصة “فيسبوك”: "من يوم 13 يوليو اعتذرت لأسباب خارجة عن إرادتي، ولما طلبوني في 1 أغسطس علشان مفيش بديل وافقت أطلع أعرض. أنا معرفش هو بيعمل لقطة على حسابي ليه، الحمد لله كان كرما كبيرا من ربنا، ونجاح استمر لآخر لحظة عرضت فيها، وربنا يعلم أني احترمت وقدرت كل العاملين بالعرض من الأكبر للأصغر واحد، وربنا يعلم أن اعتذاري كان بسبب قهري وأنهم تقبلوه".

تفاصيل الخلاف

وتابع: "ولما مالقوش بديل بعد 18 يومًا سبت اللي بمر به، وعرضت إنقاذًا للموقف، واتفقنا اتفاقًا جماعيًا أن 1 أغسطس آخر يوم عرض ليّا، وقالوا لي تامر هيعرض مكانك، واحتمال نغيّر بوستر المسرحية، المفاجأة الوحيدة في كل ده هو أنه يكتب إني تغيبت بشكل مفاجئ وإن تامر أنقذ العرض، والله ما حصل". يا جماعة الكلام ده ظلم وما حصلش، إلا بقى لو بيتكلموا على ممثل زميل تاني جه مكاني مش أنا".