أسما شريف منير توجه رسالة لزوجها: قبلك كنت فاهمة الحب غلط

نشرت الإعلامية أسما شريف منير، اليوم، صورة تجمعها بزوجها أحمد شامل مؤدي الرقص المعاصر، تعبيرًا عن حبها له.

حب بالقطارة

وكتبت أسما شريف، عبر حسابها الرسمي بمنصة "إنستجرام"، :"⁨ أنا كنت فاهمه الحب غلط، كنت فاكره لما بطني توجعني وأفضل ألف ورا حد، يجنني ويديني حب بالقطارة، أو أقعد مع صاحبتي نحلل هو قال كده ليه؟ قصده ايه؟ هيتكلم ولا لأ؟، كنت فاكرة إن ده هو الحب، لكن ده كان إحساس قلق".

مدمن الشخص

وتابعت: "الإحساس ده بنحبه ونفتكره حب عشان بيخلي الجسم والقلب والعقل مكهرب، وده بيعزز الدوبامين، زي جرعة بتخليك مدمن الشخص حتى لو مؤذي، وبيلعب بمشاعرك، بس الحقيقة إن الحب مش كده خالص".

الحب راحة

واختتمت: "الحب راحة، الحب إن الشخص يطمنك من قبل ما تقلق، يعرفك اللي إنت عايز تعرفه من غير ما تسأل، والمشاعر تبقى واضحة مش محتاجة فك شفرات، الحب إنك تلاقي مكان ترتاح فيه، قلب تحس فيه بالأمان مش بالسؤال، شخص يشوفك ويختارك كل يوم من غير ما تضطر تجري أو تثبت نفسك، الحب مش كهرباء توترك… الحب هو الأرض اللي توقفك ثابت".

انتقادات أسما شريف منير

وكانت أسما شريف منير تعرضت لموجة من الانتقادات والتنمر خلال الفترة الماضية، بعد إعلان زواجها من مؤدي رقص الشوارع والرقص المعاصر أحمد شامل عزمي.

وكانت أسما قد أعلنت زواجها رسميًا في يونيو الماضي، ما أثار جدلًا واسعًا، خاصة لكونه الزواج الثالث في حياتها، لتتعرض بعد ذلك لحملة من التنمر على مواقع التواصل.

أسما اختارت الرد برسالة مؤثرة نشرتها عبر خاصية "ستوري" قالت فيها: "لكل شخص شتمني أو تنمّر عليّ أو أساء الظن بيا، أنا مش بزعل ومش باخدها على قلبي.. مش لأني ما بحسّش، لكن لأني تعلّمت إن القلوب اللي فيها نور بتعفو وبتعدي، لأن ربنا قال: والكاظمين الغيظ والعافين عن الناس والله يحب المحسنين".

قصة ارتباطها بشامل عزمي

وعن زواجها من أحمد شامل، قالت أسما، إن قرارها جاء عن قناعة تامة بأنه الشريك المناسب لحياتها، مؤكدة أنه "يعاملها بكل رحمة واحتواء".