"بقالي سنة مباخدش فلوس".. الزمالك يرد على تصريحات عمار ياسر

أكد بدر حامد رئيس قطاع الناشئين بنادي الزمالك، أن عمار ياسر واحد من أبرز المواهب في قطاع ناشئين النادي.

وقال حامد في تصريحات مع كريم رمزي عبر برنامج لعبة والتانية على راديو ميجا إف ام: “عمار ياسر واحد من اللاعيبن المهميم بالنسبة لنا ونحترمه للغاية وليس لدينا أي أزمات معه”.

وأضاف: “ربما يكون عدم تصعيده للفريق الأول وراء ما تم نشره عبر “إنستجرام” ولكن ليس هناك أي أزمة بخصوص اللاعب”.

واختتم بدر حامد تصريحاته قائلًا: “سنتواصل مع عمار ياسر لمعرفة احتياجاته وخلال ساعات الأمور ستكون على ما يرام”.

ماذا قال عمار ياسر؟

وقال اللاعب عبر “إنستجرام”: "أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده، أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غصب عن حد، أو واخد مكان حد".

وأضاف: "من السنة اللي فاتت لحد دلوقتي بيجي لي عروض إعارة وبيع، وكلها كانت بتترفض من غير ما أعرف مين السبب، من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس، ومعترضتش".

وتابع: "ولما أكلم حد، بيقولوا مفيش فلوس وأن النادي بيمرٍ بأزمة، طب أنا أعيش، إزاي وأصرف منين؟ بعد كل ده، مطلوب منك تيجي، التمرين وتلعب ومتتكلمش، أنا مش بشتكي، أنا بس حبيت أعرف الناس أنا فيّ إيه وبمر بإيه".

الزمالك يواصل استعداداته للقاء المقاولون

ومن ناحية أخرى، يواصل الفريق الأول لكرة القدم بنادي الزمالك، تحت قيادة البرتغالي يانيك فيريرا، تدريباته اليوم، استعدادًا لمواجهة المقاولون العرب في الدوري المصري الممتاز.

ويأمل الزمالك في مواصلة النتائج الإيجابية في بطولة الدوري من أجل المنافسة على اللقب هذا الموسم 2025-2026، ليعوض الموسم الماضي.