أحمد سلامة: بدرية طلبة غلطت في الجمهور اللي عملنا

علق الفنان أحمد سلامة، وكيل نقابة المهن التمثيلية على تحويل الفنانة بدرية طلبة للتحقيق بسبب تجاوزات صارخة منها.

أحمد سلامة: بدرية طلبة غلطت في الجمهور 

وقال أحمد سلامة لـ “تليجراف مصر”: “حصل من بدرية طلبة تجاوزات من خلال اللايفات وغلطت فى الجمهور اللي عملنا والمفروض صورة الفنان تكون أحسن من كدا و تم إبلاغها بتحويلها للتحقيق”.

التحقيق مع بدرية طلبة

وكتبت الصفحة الرسمية لنقابة المهن التمثيلية على منصة “فيسبوك”: “قرر مجلس نقابة المهن التمثيلية، تحويل الفنانة بدرية طلبة للتحقيق فورا، وذلك بالإجماع، نظرا لما صدر منها من تجاوز صارخ، واتخاذ الإجراءات القانونية ضد أي فنان سيخرج عن ميثاق الشرف الأخلاقي”.

هجوم بدرية طلبة

وتعرضت بدرية طلبة لهجوم بسبب لما اعتبره البعض إهانة للشعب المصري، وعلى الفور ردت طلبة على تلك الاتهامات بعنف وانفعال شديد عبر حسابها الرسمي على منصة “فيسبوك” قائلة: “شعب مصر مين اللي أشتمهم، دول هما اللي عملوني، أكبر نجم فيكي يا مصر عارف ده، بتحصل حاجات كتير ضدي وبتشتم في عرضي وحاجات أوفر إنتو زودتوها، بيتقال أنت جعانة، وماله يا حبيبي جعانة وقاعدة في الفيلا بتاعتي، اتقال عني كنت شغالة عند حسين الإمام خدامة في بيته وبعدين خدني في البرنامج.. شفتني فين؟”.

وأضافت طلبة: “ياريت بقي الكلام ده يتاخد ويبقى محتوى لأن الحلو مش بيتاخد محتوى، وأنا طلعت قبل كدا كذا مرة قلت إني مقدرش أغلط في الشعب المصري”.

واختتمت: “ياريت محدش يسمع لكلام غير كدا لأن الشعب المصري المحترم هو اللي عملني، مش فاهمة هما عايزين إيه ما أنا أقدر أقول في داهية، لكن أنا طالعة أوضح للمحترمين”، مشددة على تقديم عدة بلاغات لمن يتجاوز حدوده معها.