محمد ثروت: "مينفعش الفنان يكون متكبر على الناس"

تحدث الفنان محمد ثروت، عن أهمية تواضع الفنان في تعامله مع جمهوره، مؤكدًا أن القرب من الناس هو أساس النجاح الحقيقي. 

كما تطرق ثروت، إلى تعاونه مع الفنان تامر حسني في فيلم "ريستارت"، وتحدث عن تجربته في فيلم "روكي الغلابة" إلى جانب الفنانة دنيا سمير غانم.

محمد ثروت: تواضع الفنان جزء أساسي من نجاحه

قال الفنان محمد ثروت من خلال برنامج “أسرار النجوم”، مع الإعلامية إنجي علي، إن تواضع الفنان جزء أساسي من نجاحه، موضحًا: "بحس إن الفنان لازم يكون من الناس لأنه طالع منهم، ومن وجهة نظري مينفعش يكون أعلى من الناس، لازم ينزل تحت خالص علشان يشوف الناس الحقيقية اللي هو انعكاس ليها.. أخلاقهم، وضحكهم، وحياتهم".

وأضاف: "لازم يشوف كل ده قبل ما يطلع على الشاشة، علشان الذاكرة الانفعالية اللي بتظهر في الشخصية، أنا شفت ناس كتير، ومينفعش أكون متكبر عليهم، ما ممكن أرمي إفيه ويزعلوا".

محمد ثروت: سعيد بتعاوني الأول مع تامر حسني 

تحدث الفنان محمد ثروت عن تجربته مع الفنان تامر حسني في فيلم "ريستارت"، قائلاً: "ريستارت هي أول تجربة تجمعني بتامر حسني، وكنت مرشّح لعدد من أفلامه قبل كده، لكن ربنا ما أرادش. ولما جالي ترشيح الفيلم اتبسطت جدًا، خاصة إني بقدّم شخصية أخوه".

وتابع ثروت: "الموضوع حلو ومطروح بقوة اليومين دول، وواقعي جدًا. الفيلم تجربة جميلة بالنسبة لي، وبيرصد الزمن اللي إحنا فيه. السوشيال ميديا لو استخدمناها صح هتفيدنا وتخلينا مبسوطين، لكن لو استخدمناها غلط هتسود علينا وتحبسنا، أنا بحب تامر على المستوى الشخصي جدًا، وهو فنان مجتهد ومن مدرسة الارتجال".

محمد ثروت: سعيد بردود الأفعال على “روكي الغلابة”

أعرب الفنان محمد ثروت، عن سعادته بردود الأفعال الإيجابية التي تلقاها فيلم “روكي الغلابة”، الذي يشارك في بطولته إلى جانب الفنانة دنيا سمير غانم، مؤكدًا أن الفيلم موجّه لجمهور عام وحقق تواصلًا واسعًا.

وقال ثروت في تصريحاته: “اتبسطت جدًا بردود الأفعال على فيلم “روكي الغلابة”، لأنه فيلم جمهور عام، والحمد لله إن اللهجة المصرية العالم العربي كله متربي عليها، وأي حد من دولة عربية لما يحب يتكلم مع حد من دولة تانية بيتكلم بالمصري، لأنهم عارفين طبيعة المصريين وثقافتهم وهزارهم عامل إزاي. لازم في كل بيت عربي تلاقي حد نازل مصر أو بيتفرج على أعمال مصرية”.