مرتضى منصور: مجلس حسين لبيب ضيع على الزمالك 11 مليار جنيه

شن مرتضى منصور، رئيس نادي الزمالك السابق، هجومًا حادًا على مجلس إدارة النادي الحالي برئاسة حسين لبيب، محمله مسؤولية الأزمات التي يعاني منها النادي، وفي مقدمتها أزمة سحب أرض 6 أكتوبر، التي قدّرت قيمتها بـ11 مليار جنيه.

وأبلغت وزارة الإسكان نادي الزمالك بشكل مفاجئ بسحب قطعة الأرض المخصصة لبناء فرعه الجديد في 6 أكتوبر، ومنعت النادي من استكمال العمل عليها.

قال مرتضى منصور خلال تصريحات خاصة لـ"تليجراف مصر": “مجلس حسين لبيب هو الأسوأ في تاريخ نادي الزمالك، ضيعوا على النادي أرض 6 أكتوبر اللي كانت تساوي 11 مليار جنيه، ويارب ممدوح عباس واللي جاب المجلس ده يكونوا مبسوطين دلوقتي بعد الخراب اللي حصل”.

تكريم مرتضى منصور في الأهلي

وتابع: "واحدة كلمتني بتقولي عايزين نكرمك ونعملك طوبة في استاد الأهلي قولتلها أنا؟! أنا مرتضى منصور، الرئيس التاريخي لنادي الزمالك، إزاي أقبل ده؟ في الوقت اللي بيتكلموا عن تكريمي، بيتم دوس صورتي في الزمالك".

وأضاف: "اللي ضيّع أرض النادي هو نفسه اللي ضيّع زيزو، وهو اللي شتم السيدة المحترمة هدى زوجة زيزو، علشان يشغل الجمهور عن الكوارث اللي بتحصل في النادي".

واختتم منصور تصريحاته بمناشدة صريحة للدولة: “النادي بقى خرابة خلاص، وأنا بأناشد الدولة تتدخل وتُعيد أرض 6 أكتوبر تاني لجمهور الزمالك العظيم اللي ما يستاهلش كل اللي بيحصل ده”.